တော်လှန်ရေးအရှိန်အဟုန်မြင့်လာတာနဲ့အမျှ တိုက်ပွဲတွေလည်းပြင်းထန်လာသလို မြို့ပေါ်တွေမှာလည်း ဆန္ဒပြသပိတ်တွေဆက်တိုက်အားကောင်းလာနေပြီး ပြောက်ကျားသပိတ်တိုက်ပွဲတွေက နေ့ရက်တိုင်းလိုလိုဖြစ်ပေါ်နေတာဖြစ်ပါတယ်။ ယမန်နေ့ကလည်း ရန်ကုန်ရှိလူစည်ကားရာ နေရာတစ်ခုဖြစ်တဲ့ မြန်မာပလာဇာမှာလူငယ်တွေစုပေါင်းပြီး ဆန္ဒပြခဲ့ကြသလို ဒီကနေ့ စက်တင်ဘာလ ၁၄ရက်နေ့မှာလည်း Minglar Mandalay New Ocean မှာဆန္ဒပြခဲ့ကြတာဖြစ်ပါတယ်။

Photo credit-Spring DIARY's Facebook page

"ကျွန်တော်တို့မှာ အားကိုးစရာပြည်သူပဲရှိပါတယ်" ဆိုတဲ့ ဆိုင်းဘုတ်တွေကိုင်ဆောင်ကာ ကြွေးကြော်ခဲ့ကြသလို လက်ကမ်းစာစဉ်တွေပါ ကြဲချပြီး ပြည်သူလူထုကို နှိုးဆော်တိုက်တွန်းခဲ့ကြတာဖြစ်ပါတယ်။ ဈေး၀ယ်ပြည်သူတွေကလည်း ကြွေးကြော်သံကြားတာနဲ့ ချက်ချင်းပူးပေါင်းပါ၀င်ခဲ့ကြပြီး လက်သုံးချောင်းထောင်ကာ ဆန္ဒပြခဲ့ကြတာတွေ့ရပါတယ်။

Photo credit-Spring DIARY'S Facebook page
Photo credit-Spring DIARY'S Facebook page

ပြည်သူလူထုဟာ ရရာနည်းလမ်းနဲ့ ရောက်တဲ့နေရာကနေ အာဏာရှင်အလိုမရှိကြောင်း ထုတ်ဖော်နေကြတာကို တွေ့ရပါတယ်။ လူထူထူ လူစုစုမှာ လက်သုံးချောင်းထောင်လိုက်တာနဲ့ ကြွေးကြော်သံတိုင်လိုက်တာနဲ့ အာဏာရှင်ကိုအလိုမရှိကြောင်း ဆန့်ကျင်ကြတဲ့ပြည်သူတွေရဲ့ စိတ်ဓာတ်ကို ဒီပုံရိပ်တွေမှာ အထင်းသားမြင်တွေ့ရပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

Photo credit-Spring DIARY's Facebook page
Photo credit-Spring DIARY'S Facebook page

သတင်းအရင်းမြစ်: Spring DIARY's Facebook page

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။