လတ်တလော အခြေအနေမျိုးမှာ အကြောင်းအမျိုးမျိုးကြောင့် ပြည်သူတွေဟာ အကြပ်အတည်းတွေ ရှိလာနေပြီး ခက်ခက်ခဲခဲရှာဖွေစားသောက်နေကြရတာလည်းဖြစ်ပါတယ်။ သံဃာတော်တွေနဲ့ သီလရှင်ဆရာလေးတွေလည်း ဆွမ်းအခက်အခဲတွေရှိလာနေသလို လိုအပ်တဲ့ ဆေးဝါးထောက်ပံ့မှုတွေနဲ့ ၀တ္ထုငွေအခက်အခဲ တစ်ချို့လည်း လိုအပ်နေတာကို တွေ့ရပါတယ်။

မင်းသမီးချော ဘေဘီမောင်ကတော့ အလှူအတန်းနဲ့ပက်သက်လာရင် ရက်ရက်ရောရောလှူဒါန်းကူညီတတ်တဲ့သူလည်း ဖြစ်တာကြောင့် အခုလိုခက်ခဲနေတဲ့ကာလမှာလည်း တတ်နိုင်တဲ့ဘက်ကနေ လှူဒါန်းပေးနေတာဖြစ်ပါတယ်။ အခုအခါမှာဆိုရင်လည်း သက်တော် (၇၀)ကျော်နေပြီဖြစ်တဲ့ သုခိတာရာမ‌ကျောင်းတိုက်မှ သီလရှင်ဆရာတော်ကြီး ဒေါ်သီတလအား သွားရောက်လှူဒါန်းပေးခဲ့တာဖြစ်ပါတယ်။

၀တ္ထုငွေအပါအ၀င် လိုအပ်တဲ့ဆေးဝါးတွေနဲ့ ငှက်သိုက်တွေလှူဒါန်းပေးခဲ့တာဖြစ်ပြီး လှူဒါန်းမှုပုံရိပ်လေးတွေကိုလည်း သူမရဲ့ Facebookစာမျက်နှာမှာ တင်ပေးလာခဲ့ပါတယ်။ အခုလို စေတနာထက်သန်လွန်းတဲ့ ဘေဘီမောင်အတွက်လည်း ပရိသတ်တွေက သာဓုခေါ်ပေးနေကြတာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

သတင်းအရင်းမြစ်: Baby Maung's Facebook acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။