အနုပညာလောကသားတစ်ယောက်ဖြစ်တဲ့ ကျော်ကျော်နန္ဒကတော့ ပြည်သူတွေဘက်ကနေပါဝင်ခဲ့တာကြောင့်၅၀၅(က) စာရင်းထဲမှာပါလာခဲ့ပြီး လုံခြုံရေးအတွက် ရှောင်တိမ်းနေထိုင်ခဲ့ရတာဖြစ်ပါတယ်။အခုဆိုရင်တော့၅၀၅(က) ကနေလည်း ပယ်ဖျက်ခံရတာဖြစ်လို့ သူ့ရဲ့အိမ်မှာပဲပြန်နေပြီး ကိုဗစ်ကူးစက်ရောဂါကို ခံစားလိုက်ရသေးတာဖြစ်ပါတယ်။ကျော်ကျော်နန္ဒရဲ့စိတ်ဓာတ်ကြောင့် ပရိသတ်တွေကလည်း ချီးကျူးလာကြပြီး အရင်ကထက်ပိုအားပေးလာကြတာဖြစ်ပါတယ်။
အခုရက်ပိုင်းတွေမှာ လိုအပ်တဲ့နေရာတွေအတွက် ကျော်ကျော်နန္ဒက ခုနှစ်ရက်သားသမီးများနဲ့အတူ စုပေါင်းလှူဒါန်းနေတာဖြစ်ပါတယ်။ဒီနေ့ကလည်း မင်းသားချောပိုင်တံခွန်ရဲ့ မွေးနေ့ရက်မြတ်ဖြစ်တာကြောင့် ကျော်ကျော်နန္ဒက အလှူလုပ်ပေးလိုက်တာဖြစ်ပါတယ်။ပိုင်တံခွန်လည်း ဖမ်းဆီးခံခဲ့ရတာ ဧပြီလ (၈)ရက်နေ့ကတည်းကဖြစ်တာကြောင့် အခုထိဆိုရင် (၅)လကျော် ကြာမြင့်သွားပြီဖြစ်ပါတယ်။ပိုင်တံခွန်လည်း ဒီနေ့လေးမှာ ပရိသတ်တွေနဲ့မိတ်ဆွေ၊သူငယ်ချင်းတွေရဲ့ မွေးနေ့ဆုတောင်းစကားကိုရရှိထားတာဖြစ်ပါတယ်။
ကျော်ကျော်နန္ဒကတော့ "အခုအလှူလေးက သူငယ်ချင်း ညီလေး ပိုင်တံခွန် ရဲ့ မွေးနေ့အတွက်လှူဒါန်းပေးတာပါ ပိုင်အတွက် ကျွန်တော်တစ်ဆုပဲတောင်းပါတယ် အမြန်ဆုံးလွတ်ပါစေ ပြည်သူပြည်သားအားလုံးလည်း ကျန်းမာဘေးကင်းအေးချမ်းကြပါစေ"ဆိုပြီး ရေးသားထားတာဖြစ်ပါတယ်။ပိုင်တံခွန်ရဲ့အမှတ်တရနေ့လေးကို မမေ့မလျော့ဘဲကုသိုလ်ကောင်းမှူတွေလုပ်ဆောင်ပေးရင်း ဆုတောင်းလိုက်တဲ့ ကျော်ကျော်နန္ဒရဲ့ပုံရိပ်တွေကို ပြန်လည်မျှဝေပေးလိုက်ပါတယ်။
Source&Photo Credit:Kyaw Kyaw Nanda’s Fb page