မြန်မာနိုင်ငံမှာ ဖေဖော်ဝါရီလ (၁) ရက်နေ့ထဲက အာဏာသိမ်းခံခဲ့ရပါတယ်။ ရက်ပေါင်း ၂၀၀ ကျော် စစ်အာဏာရှင်ကို ဆန့်ကျင်ကန့်ကွက်နေကြပြီး သပိတ်ပုံစံအမျိုးမျိုး ဆက်ရှိနေသလို ဆန္ဒပြဖို့ လူစုနေချိန်မှာ စစ်ကောင်စီတပ်က လာရောက်ဖြိုခွဲပြီး အဖမ်းခံရသူတွေလည်း ရှိခဲ့ပါတယ်။
အာဏာသိမ်း စစ်ကောင်စီ လက်နက်ကိုင်အဖွဲ့တွေက အသွင်အမျိုးမျိုးနဲ့ စောင့်ကြည့်နေတဲ့ကြားက မန္တလေးမှာ စက်တင်ဘာလ ၁၇ ရက်နေ့က စစ်အာဏာရှင် ချေမှုန်းရေး မီးတုတ်ရှို့ကာ မန္တလေးညသပိတ်စစ်ကြောင်းကို အင်အားပြည့် ချီတက်ဆန္ဒပြခဲ့ကြောင်း သိရပါတယ်။
မန္တလေး တစ်မြို့လုံးကို စစ်ကောင်စီ လက်နက်ကိုင်အဖွဲ့က အင်းအားသုံးလှည့်လည်နေတဲ့ကြားက မဟာအောင်မြေမြို့နယ် စုပေါင်းညသပိတ်စစ်ကြောင်းက မီးတုတ်တွေကိုင်ဆောင်ပြီး စစ်အာဏာရှင်ပြုတ်ကျရေး ကြွေးကြော်သံတွေနဲ့ ချီတက်ဆန္ဒပြခဲ့တာလည်း ဖြစ်ပါတယ်။
မြန်မာနိုင်ငံအတွင်း တချို့နေရာတွေမှာ လူအင်အားအများအပြားနဲ့ လမ်းပေါ်ထွက် ဆန္ဒပြပွဲတွေ နည်းသွားပေမဲ့ ပျောက်ကြားသပိတ်၊ လူမဲ့သပိတ်၊ ကျောင်းမတက်ရေး လှုပ်ရှားမှုနဲ့ သပိတ်မျိုးစုံကို ပုံစံမျိုးစုံနဲ့ဆင်နွှဲနေကြပါတယ်။
Bong I.T