ချင်းပြည်နယ်၊ မင်းတပ်မြို့တွင် Telenor နဲ့ Ooredoo အင်တာနက်လိုင်းသာမက တယ်လီဖုန်းလိုင်းများကို စစ်ကောင်စီက စက်တင်ဘာလ (၁၇) ရက်ထဲက ဖြတ်ခံထားရပါတယ်။
စက်တင်ဘာလ ၁၄ ရက်နေ့ မွန်းလွဲပိုင်းမှစတင်ပြီး စစ်ကောင်စီကို လက်နက်ကိုင်တော်လှန် တိုက်ခိုက်နေတဲ့ မြို့နယ်များဖြစ်တဲ့ စစ်ကိုင်းတိုင်းအတွင်း မြို့နယ် ၆ မြို့နယ်၊ မန္တလေးတိုင်း ၊ မကွေးတိုင်းမှာလည်း အင်တာနက်လိုင်းတွေ ဖြတ်တောက်မှုရှိတယ်လို့ သိရှိရပါတယ်။
စစ်ကိုင်းတိုင်းရှိ ကနီ၊ ပုလဲ၊ ဘုတလင်၊ ယင်းမာပင်၊ အရာတော်မြို့တွေနဲ့ မန္တလေးတိုင်းရှိ မိုးကုတ်၊ မြင်းခြံမြို့တွေအပြင် မကွေးတိုင်းရှိ တောင်တွင်းကြီးမြို့နယ်တွေမှာ အင်တာနက်လိုင်း ဖြတ်တောက်လိုက်တာလည်း ဖြစ်ပါတယ်။
ထိုဒေသတွေကို စစ်ကောင်စီတပ်တွေက ထိုးစစ်ဆင်ဖို့ပြင်ဆင်နေတာတွေလည်း ရှိတယ်လို့ သိရပါတယ်။ ဖုန်းလိုင်း၊ အင်တာနက်လိုင်းတွေ ဖြတ်တောက်လိုက်တဲ့အတွက် ပြည်သူတွေကြားထဲမှာ စိုးရိမ်မှုတွေလည်း မြင့်တက်လာနေပါတယ်။