Grner See (Green Lake) လို့ခေါ်တဲ့ ဒီပန်းခြံလေးဟာ ဩစတေးလျ နိုင်ငံမှာတည်ရှိပြီး Underwater Park လို့လည်းခေါ်ကြပါတယ်။
Underwater Park လို့ခေါ်ရတဲ့အကြောင်းရင်းကတော့ ဒီပန်းခြံလေးအနီးမှာရှိတဲ့ Hochschwab တောင်တွေပေါ်က ရေခဲတွေဟာ နွေရာသီရောက်တိုင်းပန်းခြံလေးထဲကို အရည်ပျော်ကြပြီး ပန်းခြံတစ်ခုလုံးကို ရေအောက်ထဲနစ်မြုပ်သွားစေလို့ပဲ ဖြစ်ပါတယ်။
ရေခဲတွေ အရည်ပျော်လာချိန်မှာဆိုရင် ဒီပန်းခြံလေးထဲက သစ်ပင်တွေ ၊ပန်းလေးတွေ ၊ထိုင်ခုံတန်းလျားလေးတွေ ၊ ပန်းခြံလမ်းလေးတွေ ၊ တံတားလေးတွေ အကုန်လုံး ကြည်လင်နေတဲ့ ရေကန် အောက်ကိုခေတ္တရောက်ရှိသွားကြပါတယ်။
ရေအောက်ကိုရောက်သွားတဲ့အချိန်မှာ ပန်းခြံလေးရဲ့အလှဟာပိုပြီး ထူးကဲနေတာကြောင့် အဲ့အချိန်ဆိုရင် ခရီးသွားပြည်သူတွေဟာ ဒီပန်းခြံလေးကို လာရောက်လည်ပတ်မှုပိုများလေ့ရှိပါတယ်။
ဆောင်းရာသီအဝင်လောက်မှာတော့ ဒီပန်းခြံလေးဟာ ရေပေါ်ကို ပြန်ပေါ်လာတတ်ပြီး ၃ ပေလောက်ရှိတဲ့ ရေကန်လေးသာ ကျန်ရှိခဲ့ပါတယ်။
နွေရာသီမှာပန်းခြံတစ်ခုလုံး ရေထဲရောက်ရှိသွားတဲ့ ဒီပန်းခြံလေးဟာ သဘာဝရှုခင်းတွေကလည်း လှပတဲ့အပြင် နေရာလေးကလည်း တိတ်ဆိတ်လွန်းလှတဲ့ကြောင့် လာရောက်လည်ပတ်သူတွေ များပြားလျက်ရှိတယ်လို့ သိရပါတယ်။
သတင်း အရင်းအမြစ်៖ Mymodernmet