မောင်လေးညီမလေးတွေရလို့ပျော်ရွှင်ရတဲ့အခိုက်အတန့်ကို အကိုကြီး အမကြီးတွေပဲသိနိုင်ပါတယ်။ အာဘွိုင်းနဲ့မြတ်ရတနာကျော်တို့ဟာ သာယာကြည်နူးတဲ့ မိသားစုဘ၀လေးကို ထူထောင်နိုင်ခဲ့ပြီးလက်ရှိမှာတော့ သားသမီးနှစ်ယောက်ထိပိုင်ဆိုင်နိုင်ခဲ့ပါပြီ။ သမီးကြီးစကားလက်ဟာ အသက် (၃) နှစ်ကျော်လာခဲ့ပြီးနောက်မှာတော့ မိသားစုရဲ့နောက်ထပ်ဆည်းလည်းလေးဖြစ်တဲ့ သားလေးတစ်ယောက်ဟာ ပျော်စရာတွေနဲ့ ဘ၀ထဲထပ်ပြီးရောက်လာခဲ့ပြန်ပါပြီ။ သမီးလေးကိုရော သားလေးကိုရော ချစ်မ၀တဲ့မေတ္တာတွေနဲ့ ဖေဖေနဲ့မေမေက ပြုစုစောင့်ရှောက်နေခဲ့ပါတယ်။
ဒီနေ့မှာလည်း ဖေဖေအာဘွိုင်းက မမစကားလက်တစ်ယောက် မောင်လေးကိုချီပြီး ချစ်နေတဲ့ အမှတ်တရပုံရိပ်လေးကို လူမှုကွန်ယက်မှာဝေမျှလာခဲ့ပါတယ်။ မောင်လေးကိုတယုတယချီပိုးပြီး တစိမ့်စိမ့်ကြည့်ကာချစ်နေတဲ့ စကားလက်လေးရဲ့ပုံရိပ်ဟာ မြင်သူတိုင်းအတွက်တော့ အသည်းတယားယားဖြစ်ချင်စရာပါပဲ။ ငွေကြေးတွေထက် ချစ်ခြင်းတရားတွေပိုပြီးပေါများတဲ့ မိသားစုဘ၀တွေဟာ ပျော်စရာအကောင်းဆုံးပါပဲ။
သမီးလေးနဲ့သားလေးရဲ့ချစ်စရာအပြုံးလေးတွေဟာ ဖေဖေမေမေတို့အတွက်တော့ ခွန်အားတွေပါပဲ။ ကမ္ဘာပေါ်မှာအအေးချမ်းဆုံးနဲ့ ချစ်စရာအကောင်းဆုံးဟာ သားသမီးတွေရဲ့အပြုံးနဲ့ ရယ်မောသံတွေပါပဲ။ အာဘွိုင်းနဲ့မြတ်ရတနာကျော်တို့ ဇနီးမောင်နှံဟာလည်း ပျော်ရွှင်သာယာတဲ့မိသားစုဘဝကို အောင်အောင်မြင်မြင်ထူထောင်နိုင်ခဲ့ပါတယ်။ မမကြီးဖြစ်သွားတဲ့စကားလက်ဟာလည်း မောင်လေးကိုကြည့်ပြီးချစ်မဝဖြစ်နေတဲ့ပုံရိပ်လေးကို ပရိသတ်ကြီးအတွက် တင်ဆက်ပေးလိုက်ပါတယ်။
သတင်း အရင်းအမြစ်៖ Rockstar Ahboy's IG Acc