အခုလိုအကျပ်အတည်းကာလတွေမှာ လူတိုင်းရဲ့ စားဝတ်နေရေးဟာ အရင်ကထက်ပိုခက်ခဲလာခဲ့ပါတယ်။ခက်ခဲလာတာနဲ့အတူ ဒစရိုက်မှုတွေဟာလည်း အရင်ကထက်ပိုပြီးများလာခဲ့ပါတယ်။ ဒီနေ့မှာလည်း မိတ်ကပ်ခင်စန်းဝင်းတစ်ယောက် စားဝတ်နေရေးအတွက် သူမရှိတဲ့ပစ္စည်းလေးတွေထုတ်ရောင်းဖို့ ပြင်နေစဥ်မှာပဲ ကားနောက်ကြည့်မှန်ဖြုတ်ခိုးခံရတဲ့အကြောင်း လူမှုကွန်ယက်မှာ ရင်ဖွင့်လာခဲ့ပါတယ်။
အခုလိုငွေကြေးရှားပါးနေချိန်မှာ ကားနောက်ကြည့်မှန်တစ်ချပ်ရဲ့တန်ဖိုးဟာလည်း မနည်းလှပါဘူး။ နောက်ကြည့်မှန်မရှိဘဲ ကားမောင်းဖို့အဆင်မပြေနိုင်တာကြောင့် မဖြစ်မနေပြန်ဝယ်တပ်ရတော့မှာပါ။ ယခင်ကလည်း ကားဘောနက်ပေါ်က နောက်ကြည့်မှန်ဖြုတ်ခိုးခံရပြီးနောက် ထပ်ခိုးခံရမှာဆိုးလို့ ပြန်မတပ်ပေမယ့် အခုတော့ နောက်တစ်ခုပါထပ်ပြီး အခိုးခံရတာကြောင့် အတော်လေးစိတ်သောက ဖြစ်နေခဲ့ပါတယ်။
ဒီအကြောင်းကို ရင်ဖွင့်ပြီးနောက်မှာ သူမရဲ့ ခင်မင်ရင်းနှီးသူတွေက စိတ်မကောင်းကြောင်းမှတ်ချက်တွေ အများအပြားပေးခဲ့ကြပါတယ်။ ထမင်းတစ်လုပ်စာအတွက် ခိုးဆိုးလုနှိုက်ပြီး ဖြတ်သန်းရတဲ့ အခြေအနေတွေလည်း အမြန်ဆုံးလွန်မြောက်ပြီး တစ်နိုင်ငံလုံးအေးချမ်းရတဲ့ အရင်လိုနေ့ရက်တွေ ပြန်ရောက်စေဖို့ ပြည်သူအားလုံးကလည်း မျှော်လင့်နေကြပါတယ်။
သတင်း အရင်းအမြစ်៖ Khin San Win's FB Acc