Bayezid Hossain ဆိုတဲ့ကလေးရဲ့ ခန္ဓာကိုယ်သေးသေးလေးမှာ အဘိုးကြီးရဲ့ခန္ဓာကိုယ်က ဆွဲကပ်နေပါတယ်။ ဒီကလေးလေးဟာ အမှန်တကယ်တော့ အသက်၄ နှစ်ပဲရှိပါသေးတယ်။ ဒါပေ့မယ့် ပါးရေတွေတွန့်နေပြီး အရေပြားတွေတွဲကြနေတဲ့ သူ့ရဲ့ ရုပ်ရည်ကတော့ သူဟာ ကလေး မဟုတ်ဘူးလို့ပြောနေသလိုလိုဖြစ်နေပါတယ်။
ဒီလိုဖြစ်ရတဲ့ အကြောင်းရင်းကတော့ Bayezid ဟာဆိုရင်အလွန်ကိုမှ ဖြစ်နိုင်ချေနည်းပါးတဲ့ ရှားပါးရောဂါတစ်ခုကိုခံစားနေရတဲ့ အတွက် သာမန် ကလေးတစ်ယောက်ပိုင်ဆိုင်တဲ့ ဘဝကိုပိုင်ဆိုင်ခွင့်မရခဲ့ပါဘူး။ သူ့ရဲ့ ရုပ်ရည်ကြောင့်လည်း ရွယ်တူကလေးတွေက သူ့ကို ကြောက်ရွံ့ပြီး အခေါ်အပြောမလုပ်ကြပါဘူး။ အဲ့ဒီရောဂါကို Progeria လို့ခေါ်ပြီး မျိုးရိုးဗီဇ နဲ့သက်ဆိုင်ပြီး အရွယ်နှင့်မလိုက်အောင် အသက်ကြီးစေတဲ့ ရောဂါ Cutis Laxa လို့လည်း ခေါ်လို့ရပါတယ်။
ကလေးဟာ နေစဉ်နေ့တိုင်း အပေါ့သွာခြင်း၊ အရိုးအဆစ်များ မကောင်းခြင်း၊ သွားများကျိုးခြင်း၊ သွားမကောင်းခြင်း စတဲ့ကိစ္စတွေနဲ့ပတ်သက်ပြီး အခက်အခဲများစွာနဲ့ နေထိုင်နေရပါတယ်။ " ကျွန်မသူ့ကို မွေးပြီး စစခြင်းတွေ့တုန်းကဆို အရမ်းကိုလန့်သွားခဲ့ပါတယ်။ ကလေးလေးဟာ အရိုးပဲရှိပြီး ဂြိုလ်သားနဲ့တူတဲ့အတွက်ကြောင့် ကျွန်မအရမ်းကို ခံစားခဲ့ရပြီး အသည်းကွဲခဲ့ရပါတယ် " လို့ အသက် ၁၄ နှစ်မှာသူ့ကိုမွေးခဲ့တဲ့ အမေကပြောပါတယ်။
" မွေးမွေးခြင်းကဆိုရင် ဆရာဝန်တွေကလဲ ဒီလိုမျိုး ကလေးကို အခုမှတွေဘူးတာကြောင့် ဘာကိုလုပ်လို့ လုပ်ရမှန်းမသိခဲ့ပါဘူး။ သူတို့လုပ်နိုင်တာဘာမှမရှိပါဘူး " လို့လည်းပြောခဲ့ပါတယ်။ ကလေးရဲ့ ရုပ်ရည်အပြင်ပန်းက အလွန်ရင့်ရော်နေပေမယ့်လည်း ကလေးလေးဟာ ဉာဏ်ရည်အလွန်ကောင်းတဲ့သူပါလို့လည်း သူ့အမေက ပြောခဲ့ပါသေးတယ်။ ဒီရောဂါကိုကုသရင် ဒေါ်လာ ၅,၂၀၀ ကျော်လောက် ကုန်ကျမှာဖြစ်ပြီး မိဘတွေကလည်း ခွဲစိတ်ခကို မတတ်နိုင်ကြပါဘူး။ ဒါ့ကြောင့်လည်း ကလေးရဲ့ အခြေအနေဟာ တစ်နေ့၊ တစ်နေ့ပိုပြီးဆိုးရွားလာပါတယ်။ ဆရာဝန်တွေကလည်း ကလေးလေးဟာ အသက် ၁၅ နှစ်ထက်ပိုပြီး မနေနိုင်လောက်ပါဘူးလို့လည်း စိတ်မကောင်းစွာဖြင့်ပြောကြားခဲ့ပါတယ်။
သတင်း အရင်းအမြစ်៖ Daily Mail