ကျောက်ကပ်ဝေဒနာကြောင့် ဖောယောင်နေတဲ့ခြေထောက်ကို ဆေးတွေလူးပြီး ဖြစ်သလိုကုသနေရတဲ့ ငွေကြေးချို့တဲ့သူအဖိုးအို

ကျောက်ကပ်ဝေဒနာခံစားရတဲ့အချိန်မှာ ခြေတွေလက်တွေဖောယောင်လာပြီး ပြင်းထန်တဲ့ ဝေဒနာတွေကို လည်းခံစားရပါတယ်။ ဒီလိုအခြေအနေမှာ ကောင်းမွန်တဲ့ကုသမှုတစ်ခုကို သေသေချာချာခံယူပြီး စနစ်တကျနေထိုင်စားသောက်ရပါတယ်။ ချို့တဲ့လွန်းတဲ့ဘဝတွေမှာတော့ ဆေးကုသဖို့မဆိုထားနဲ့ စားရေးသောက်ရေးတောင် အတော်လေးခက်ခဲလွန်းပါတယ်။ ကျောက်ကပ်ဝေဒနာကို အပြင်းအထန် ခံစားနေရတဲ့ အသက် (၇၅) နှစ်အရွယ် အဘတစ်ယောက်ဟာ ဖောယောင်နေတဲ့ သူ့ရဲ့ခြေထောက်ကို ဆေးတွေလူးပြီး ဖြစ်သလိုထားထားရတဲ့အခြေအနေဟာ စိတ်မကောင်းစရာပါ။

ဒီအဘကို လူရွှင်တော်မိုးစက်ဟာ အရင်တစ်ခေါက်ကလည်းကူညီပေးထားသလို အခုတစ်ယောက်မှာ လည်း အဘအတွက်ဆေးကုသပေးမယ့်အပြင် အလှူငွေတစ်သိန်းနဲ့ ဆန်တစ်အိတ်ကိုလည်း ထပ်မံလှူဒါန်းပေးခဲ့ပါသေးတယ်။ ချို့တဲ့သူအဘဟာလည်း ဒီလိုအလှူငွေလေးကြောင့် အတိုင်းအတာတစ်ခုထိအဆင်ပြေသွားခဲ့မှာပါ။ နွမ်းပါးသူတွေကို မကြာခဏဆိုသလိုလှူဒါန်းပေးတဲ့ မိုးစက်ဟာ အလှူခံတာသိပ်မရှိဘဲ သူ့ရဲ့ကိုယ်ပိုင်ငွေနဲ့ပဲ လှူဒါန်းတာများပါတယ်။

ဒီတစ်ခေါက်မှာတော့ ဒီအဘအတွက်ဝိုင်းဝန်းလှူဒါန်းပေးခဲ့တာကြောင့် ဆန်တစ်အိတ်နဲ့ ငွေတစ်သိန်းကို အခုလိုအဆင်ပြေပြေလှူဒါန်းနိုင်ခဲ့ပါတယ်။ အဘအတွက်လည်း ဆေးခန်းပြပေးမယ့်အကြောင်း အားလုံးဝမ်းသာရအောင် အသိပေးခဲ့ပါသေးတယ်။ အဘလည်း စနစ်တကျဆေးကုသမှုခံယူပြီး ခံစားနေရတဲ့ဝေဒနာအားလုံး သက်သာပျောက်ကင်းပါစေလို့ ဆုတောင်းပေးပါတယ်။

သတင်း အရင်းအမြစ်៖ Moe Sat's FB Acc