စစ်ကိုင်းတိုင်း၊ ကလေးမြို့၌ ယနေ့ စက်တင်ဘာ ၂၁ ရက်မနက်တွင် ၂၂၆ ရက်မြောက် စစ်အာဏာရှင်ဆန့်ကျင်ရေး သပိတ်မှောက် စစ်ကြောင်းကို အောင်မြင်စွာ ချီတက်နိုင်ခဲ့ပါတယ်။
ကလေးမြို့က စစ်ကောင်စီတပ် ပစ်မှတ်ထားနှိပ်ကွပ်ခံနေသော်လည်း ဤအခြေအနေတွင်ပင် ဒေသခံအများအပြားက နေ့စဉ် လမ်းပေါ်ထွက်ပြီး စစ်ကောင်စီကို ဆန့်ကျင်ကန့်ကွက်နေကြပါတယ်။
ကလေးမြို့က စစ်အာဏာရှင်ရဲ့ ဖိနှိပ်မှုကို တူမီးအပါအဝင် ရရာလက်နက်နဲ့ ခုခံတဲ့မြို့နယ်များအနက် အစောဆုံးပါဝင်တဲ့ မြို့နယ်လည်းဖြစ်ပါတယ်။ ဖမ်းဆီးစစ်ဆေးမှုများ တင်းကျပ်နေတဲ့ကြားမှ စစ်အာဏာရှင် ဆန့်ကျင်ရေးဆန္ဒပြပွဲများလည်း နေ့စဉ်ချီတက်ဆန္ဒပြရာမြို့ဖြစ်ကာ အမျိုးသမီးများ အများဆုံးလည်းပါဝင်ပါတယ်။