အက်ဆစ်ပါဝင်မှုများတဲ့ အစားအသောက်တွေကို အယ်လ်ကာလီပါဝင်မှုများတဲ့ အစားအသောက်တွေနဲ့ အစားထိုးခြင်းဖြင့် ခန္ဓာကိုယ်တွင်း pH လယ်ဗယ်ကို ထိန်းညှိပေးနိုင်မယ်ဆိုတဲ့ အယူအဆရှိပါတယ်။ ပရိုတိန်း၊ ဖော့စဖရိတ်နဲ့ ဆာလ်ဖာကြွယ်ဝတဲ့ အစားအစာတွေဟာ ခန္ဓာကိုယ်မှာ အက်ဆစ်ပမာဏများပြားစေပါတယ်။

၁။ကညွှတ်

အစိမ်းရောင်ဟင်းသီးဟင်းရွက်တွေနဲ့ လက်တွဲတာက ဘယ်တော့မှ မမှားပါဘူး။ ကညွှတ်တွေမှာ ခန္ဓာကိုယ်အတွက် အကျိုးရှိမယ့် အယ်လ်ကာလီအကျိုးသက်ရောက်မှုတွေ ရှိပါတယ်။ တကယ်တမ်း ပြောရရင် ကညွှတ်တွေဟာ အယ်လ်ကာလီအကြွယ်ဝဆုံး အစားအသောက်တွေပါပဲ။ အစားအသောက်တွေအကုန်လုံးကို အယ်လ်ကာလီဘယ်လောက်ကြွယ်ဝလဲဆိုတဲ့ စံနှုန်းနဲ့ တိုင်းတာလိုက်မယ်ဆိုရင် ကညွှတ်ပင်က ထိပ်ဆုံးနားမှာ စာရင်းဝင်ပါတယ်။

၂။အာလူး

အာလူးမှာတော့ ခန္ဓာကိုယ်တွင်း အက်ဆစ်ကြွယ်ဝမှုကို ထိန်းချုပ်ပေးနိုင်တဲ့ အာနိသင်ရှိပါတယ်။ ဒါ့အပြင် သူ့မှာလည်း အယ်လ်ကာလီကြွယ်ဝပါသေးတယ်။ ဒီတော့ အမေ အာလူးဟင်းချက်ရင် ဟင်း မကောင်းဘူး အော်ပြီး ထွက်မပြေးပါနဲ့။ စားဖြစ်အောင်စားလိုက်ပါ။

၃။ဂေါ်ဖီထုပ်

ဂေါ်ဖီထုပ်တွေဟာ ချိုမြတဲ့အရသာရှိပြီး ကြော်စားစား၊ ပြုတ်စားစား စားလို့ကောင်းတဲ့ ဟင်းသီးဟင်းရွက်တွေဖြစ်ပါတယ်။ ကျန်းမာရေးအတွက်လည်း အလွန်ကောင်းမွန်ပြီး အက်ဆစ်ပမာဏကိုလည်း ထိန်းချုပ်ပေးနိုင်ပါတယ်။

၄။ဟင်းနုနွယ်ရွက်

အိမ်ကအမေတွေ ကျွန်တော်တို့ကို ဟင်းနုနွယ်ရွက်ကြော်ကို တုတ်မိုးပြီး စားခိုင်းတာအကြောင်းရှိပါတယ်။ ဟင်းနုနွယ်ရွက်တွေမှာ ဗိုက်တာမင်တွေ၊ သတ္ထုဓာတ်တွေ အလွန်ကြွယ်ဝစွာ ပါဝင်ရုံသာမက ကိုယ်တွင်းအက်ဆစ်ဓာတ်ကိုလည်း ထိန်းညှိပေးပါတယ်။

၅။အယ်လ်မွန်စေ့ နဲ့ အယ်လ်မွန်နို့

အယ်လ်မွန် (almond) စေ့တွေဟာ အရသာရှိပြီး ကျန်းမာရေးနဲ့အသင့်တော်ဆုံး အစားအသောက်တွေထဲမှာ တစ်ခုအပါအဝင်ဖြစ်ပါတယ်။ နောက်ပြီး သူတို့ဟာ အယ်လ်ကာလီ ကြွယ်ဝတဲ့ အစားအစာတွေလည်း ဖြစ်ကြပါတယ်။ အယ်လ်မွန်စေ့တွေဟာ ကြွက်သားဖွံ့ဖြိုးရေး၊ ကိုလက်စထရောလျှော့ချရေးနဲ့ အဆီကျရေးတွေမှာ ကူညီပေးနိုင်တဲ့အရာတွေလည်း ဖြစ်ပါတယ်။

သတင်းအရင်းမြစ် youngisthan

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။