သန်း၁၇၀ ကျော် တန်ဖိုးရှိသော ကမ္ဘာအကြီးဆုံးကျောက်စိမ်းတုံးကြီးအား နိုင်ငံတော်မှ ရသန်းခန့်(သိန်းခုနှစ်သောင်းကျော်) တန်ဖိုးဖြတ်ပြီး တွင်းဝခွန် သိန်း တစ်သောင်းလေးထောင်ကျော် (တစ်သန်းကျော်) ရရှိ...
အောက်တိုဘာ ၂၂ ရက်မနေ့က မနက်ဆယ်နာရီ အချိန်လောက်မှာ ကမ္ဘာအကြီးဆုံးကျောက်စိမ်းတုံးကြီးဆီ ဒုတိယတခေါက် အလည်ရောက် ဖြစ်ခဲ့ရပြန်ပါတယ်။ အကြောင်းကတော့ ဖားကန့်ဒေသကို သတ္တမအကြိမ် ရောက်ရှိလာတဲ့တချိန်ကရိုက်တာ သတင်းထောက်တဖြစ်လဲ ဂလိုဘယ်ဝစ်နက်စ်အဖွဲ့တွေကို ကျောက်တုံးကြီးဆီ လိုက်ပို့ပေးရင်း ရောက်သွားခဲ့တာဘဲဖြစ်ပါတယ်။
ဒီတခေါက်တော့ ကျောက်စိမ်းတုံးကြီးကို သွပ်ပြားတွေနဲ့ အခိုင်အမာကာရံထားသလို ရဲလုံခြုံရေး အစောင့်အရှောက်တွေ ချထားတာကိုလဲ တွေ့ခဲ့ရပါတယ်။ ပထမအကြိမ်သွားကြည့်တုံးက ကျောက်ကြီးထွက်တဲ့ လုပ်ကွက်ထဲက အချိန်ရှစ်ဆယ်လောက်ရှိတဲ့ ကျောက်စိမ်းရိုင်းတလုံးကို ညီနောင်ရေမဆေးတွေ မယူသွားတာကိုလဲတွေ့ခဲ့မိပါရဲ့။
ဒီလုပ်ကွက်အနီး မြေစာပုံမှာ ကျောက်ရှာဘို့ စောင့်ဆိုင်းနေကြတဲ့ ညီနောင်ရေမဆေးတွေနဲ့ တွေ့ဆုံခိုက် သူတို့ရဲ့အသံတွေကို နားထောင်ခဲ့ရသလို အပြန်အလှန် ဆွေးနွေးဖြစ်ခဲ့ပါတယ်။ ယနေ့အချိန်ထိ တရားဥပဒေရဲ့ အကာအကွယ်ကိ ရယူနိုင်ခွင့် မရှိကြသေးတဲ့ ရေမဆေးတွေ အပါအဝင်ဖြစ်တဲ့ ကျောက်စိမ်းလုပ်ငန်းနဲ့ အသက်မွေးကြသူများကို တတိယအကြိမ်ပြင်မဲ့ ကျောက်မျက်ဥပဒေထဲမှာ ထဲ့သွင်းပြဌာန်းရေးဆွဲဘို့ကိစ္စတွေလဲ ပါဝင်ပါတယ်။
ရေမဆေးများနဲ ့လုပ်ငန်းရှင်များကြား အပြန်အလှန် နားလည်မှုနဲ့ ဒေသတွင်းအကျိုးစီးပါွးကို ဖော်ဆောင်ကြဖို့နဲ့ လုပ်ငန်းရှင်များဘက်မှ လိုက်လျောလုပ်ဆောင်ပေးမဲ့ အနေအထား တွေနဲ့ပတ်သက်ပြီး ကျောက်မျက်လုပ်ငန်းရှင်များအသင်း အတွင်းရေးမှူး ကိုဝမ်းက ရှင်းလင်းပြောပြပါတယ်။ ဒီရာသီအတွင်းမှာ စတင်အကောင်အထည်ဖော်မဲ့ ရေမဆေးမှတ်ပုံတင်ကဒ်ထုတ်ပေးရေးကိစ္စကိုလဲ တင်ပြဆွေးနွေးခဲ့ကြပါတယ်။
ကျောက်ကြီးကိစ္စ ဆက်ပြောရရင် ကျောက်ကြီးကို တူးဖော်စဉ်က အပေါ်ပိုင်းမှာ အနာအတိုင်း အပိုင်းလေးပိုင်း ပဲ့ထွက်သွားခဲ့ပြီး အပဲ့တွေရဲ့စုစုပေါင်း အလေးချိန်ကတော့
တန်လေးဆယ်လောက် ရှိတယ်လို့သိရပါတယ်။ ဒီတော့ကျန်တဲ့အတုံးမကြီးကတော့ ပုံမှာရေးထားတဲ့အတိုင်း ၁၇၄.၆ တန်ရှိမှာဖြစ်ပါတယ်။ ဒီကျောက်ကြီးကို နို်င်ငံတော်က ကျပ်သိန်းပေါင်း ခုနှစ်သောင်းကျော် တန်ဘိုးဖြတ်ပြီး တွင်းဝခွန်အဖြစ် ကျပ်သိန်းပေါင်း တသောင်းလေးထောင်ကျော်ကို ကုမ္ပဏီကို ပေးသွင်းစေခဲ့တယ်လို့ လုံးခင်း ကျောက်မျက်ညွှန်မှူး ဦးတင့်ဆန်းအောင်ရဲ့ပြောပြချက်အရ သိရပါတယ်။
ကျောက်စိမ်းတုံးကြီးက ကြီးမားလေးလံတော့ ဒါကြီးကိုသယ်ဆောင်ဘို့ ယာဉ်မရှိသေးပါဘူး။ ဒီဒေသမှာ အကြီးဆုံးဖြစ်တဲ့ PC 2000 လိုတစီးလျှင် ဒေါ်လာနှစ်သန်းခွဲ လောက်တန်တဲ့ ဘက်ဟိုးနှစ်စီးပြိုင် ဆွဲတာတောင် ကျောက်ကြီးက တုတ်တုတ်မလုပ်တော့ ပိုင်းဖြတ်ပြီးမှ သယ်ဆောင်ရမဲ့အခြေအနေရှိနေပါတယ်။ ဒါကလဲ သက်ဆိုင်ရာ တာဝန်ရှိသူများက အကောင်းဆုံးဖြစ်အောင် စီမံဆောင်ရွက် သွားကြမှာဖြစ်ပါတယ်။
အခုတလော fb ပေါ်မှာ ဒီကျောက်ကြီးကို ရေမဆေးများက တွေ့ရှိပြီး ကုမ္ပဏီက သိမ်းယူသွားတာ ဖြစ်တယ်လို့ ရေးနေကြတာကိုလည်း တွေရပါတယ်။ ကျောက်ကြီးတွေ့ရှိရာ အလွှာဟာ မြေအောက်ပေ၂၀၀ အနက်လောက်မှာ ဒေသအခေါ် ဖာကပ်ကြောမှာ တွေ့ရတာဖြစ်ပါတယ်။ ကျောက်
ကြီးတည်ရှိရာ အနေအထားက သုံးဖက်ကျောက်နံရံ ကာထားပြီး မျက်နှာတဖက်ထဲကဘဲ ဝင်ထွက်လို့ရတဲ့ အနေအထားပါ။
ဒီကျောက်စိမ်းတုံးကြီးနဲ ့ပတ်သက်တဲ့ပုံများကို မည်သူ့ကိုမဆို အသုံးပြုခွင့်ပေးပါတယ်။
ဦးတင့်စိုး
ပြည်သူ့လွှတ်တော်ကိုယ်စားလှယ်
ဖားကန့်မဲဆန္ဒနယ်
ကချင်ပြည်နယ်
Credit - Shan Gyi
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။