လိုင်လီအသင်းဟာ ချဲလ်ဆီးအသင်းတိုက်စစ်မှူး ဘတ်ရှူအာရီကို ခေါ်ယူရန်ပြင်ဆင်

လိုင်လီအသင်းဟာ ချဲလ်ဆီးအသင်းရဲ့တိုက်စစ်မှူး ဘတ်ရှူအာရီကို ပေါင် ၃၆ သန်းနဲ့ခေါ်ယူရန် ပြင်ဆင်နေလျက်ရှိနေတယ်လို့သတင်းတွေကဆိုခဲ့ပါတယ်။ချဲလ်ဆီးအသင်းဟာ ဘတ်ရှူအာရီကို ရောင်းထုတ်ဖြစ်ခဲ့လျှင် လက်စတာစီးတီးအသင်းရဲ့တိုက်စစ်မှူး ဗာဒီကို ခေါ်ယူဖို့ လုပ်ဆောင်သွားမယ်လို့လည်းသိရပါတယ်။ဘတ်ရှူအာရီဟာ ချဲလ်ဆီးအသင်းနဲ့ပွဲထွက် ၂ ပွဲပါဝင်ကစားခွင့်ရရှိခဲ့ပေမဲ့ ဂိုးတော့သွင်းယူထားခြင်းမရှိသေးပါဘူး။ဒါ့အပြင် စပါးအသင်းနဲ့ပွဲတွင် ချဲလ်ဆီးအသင်းရဲ့ လူစားဝင်ကစားသမားအဖြစ်ကစားခဲ့ပြီး own goal သွင်းယူခဲ့တာကြောင့် အသင်းပရိတ်သတ်တွေရဲ့ ဝေဖန်မှုကိုလည်းခံနေရသူလည်းဖြစ်ပါတယ်

အသက် ၂၃ နှစ်သာရှိသေးတဲ့ဘတ်ရှူအာရီဟာ ၂၀၁၆ ခုနှစ်ကမှ မာဆေးလ်အသင်းကနေ ချဲလ်ဆီးအသင်းကို ယူရို ၃၉ သန်းနဲ့ ရောက်ရှိလာခဲ့တာလည်းဖြစ်ပါတယ်။ဘတ်ရှူအာရီဟာ ပြီးခဲ့တဲ့ရာသီက တိုက်စစ်မှူး ဒီယေကော်စတာရဲ့ နောက် အရန်သာ ကစားခွင့့်ရရှိခဲ့တာလည်းဖြစ်ပါတယ်။ယခုနှစ်ရာသီမှာလည်း မိုရာတာကို ချဲလ်ဆီးအသင်းကခေါ်ယူထားခဲ့တာကြောင့် အရန်ကစားသမားအဖြစ်နဲ့ပဲ ကစားရဖို့ အနေအထားလည်းရှိနေတာဖြစ်ပါတယ်။ဘတ်ရှူအာရီဟာ ပုံမှန်ပွဲထွက်ခွင့်ပေးနိုင်မယ့် လိုင်လီအသင်းကိုပြောင်းရွှေ့သွားမလားဆိုတာတော့ စောင့်ကြည့်ရအုံးမယ်ဗျာ။

ဘတ်ရှူအာရီဟာ ချဲလ်ဆီးအသင်းမှာ ပွဲပေါင်း ၃၁ ပွဲကစားခွင့်ရရှိထားခဲ့ပြီး ၉ ဂိုးသွင်းယူထားနိုင်ခဲ့ကာ ၃ဂိုးဖန်တီးပေးထားနိုင်ခဲ့ပါတယ်။ချဲလ်ဆီးအသင်းဟာ ပရီးမီးယားလိဂ် ၂ ပွဲကစားထားပြီး တစ်ပွဲနိုင် တစ်ပွဲရံှူး ရလဒ်ကို ပိုင်ဆိုင်ထားတာလည်းဖြစ်ပါတယ်။ချဲလ်ဆီးအသင်းနည်းပြ ကွန်တီဟာ တစ်ခြားတိုက်စစ်မှူးဖြစ်တဲ့ ဒီယေဂိုကော်စတာကိုလည်း ရောင်းထုတ်သွားမှာလည်းဖြစ်တယ်လို့သိရပါတယ်။ကွန်တီဟာ လက်စတာအသင်းတိုက်စစ်မှူးဖြစ်တဲ့ ဗာဒီကို စိတ်ဝင်စားနေတာဖြစ်ပြီး ခေါ်ယူရန် စုံစမ်းမှုတွေပြုလုပ်တော့မယ်လို့လည်း သတင်းတွေထွက်နေပါတယ်။

source - football transfer news