ဗီယက်နမ်ဟာထိုင်းအတွက်စာရင်းမရှိပါဘူး
ဒီစကားကိုပြောခဲ့သူထိုင်းအသင်းရဲ့ဂိုးသမားနွန့်ဖြစ်ပါတယ်။
နွန့်ဘာလို့ဒီလိုပြောလဲဆိုတာလေ့လာကြည့်ကြရအောင်ပါ။
ဆီးဂိမ်းဘောလုံးပြိုင်ပွဲရဲ့လက်ရှိချန်ပီယံဖြစ်တဲ့အပြင်
အာဆီယံရဲ့ဘောလုံးဘုရင်ဖြစ်တဲ့ထိုင်းအသင်းနဲ့
ဗီယက်နမ်ယှဉ်လို့မရသေးတာတော့အမှန်ပါပဲ။ပထမဦးစွာကစားသမားအင်အားချင်းနှိုင်းယှဉ်ကြည့်ပါမယ်။
ထိုင်းပရီးမီးယားလိဂ်ထိပ်သီးကလပ်တွေကကစားသမား
တွေနဲ့စုဖွဲ့ထားတဲ့ထိုင်းအသင်းဟာဗီယက်နမ်အပါအဝင်
ပြိုင်ပွဲဝင်နိုင်ငံအားလုံးကကစားသမားတွေထက်
ခေါင်းတစ်လုံးပိုမြင့်ပါတယ်။
ဗီယက်နမ်အနေနဲ့ထိုင်းထက်သာတာလို့ပြောလို့ရတာက
Team Workတစ်ခုသာရှိပါတယ်။ငုယင်ကောင်ဖောင်၊လောက်ရှန်ထရောင်းတို့လို့ဝါရင့်ကစားသမားတွေနဲ့
ယူ20ကမ္ဘာ့ဖလားပွဲဝင်လူငယ်အသင်းသားတွေပေါင်းစပ်ပါဝင်ထားလို့
ဗီယက်နမ်ရဲ့အသင်းလိုက်ရွေ့လျားပုံတွေ၊တီကီတာကာကစားကွက်တွေကတော့တကယ့်ကိုအံမခန်းပါ။
ဒါပေမယ့်ထိုင်းအသင်းမှာလည်းထိုင်းဘောလုံးလောကရဲ့အနာဂါတ်လို့ညွှန်းဆိုခံထားရတဲ့
ပါရမီရှင်Play Makerဝိုရာချစ်
တို့လိုကစားသမားမျိုးပါဝင်လာတာကိုတော့မေ့ထားလို့မရပါဘူး။တောင်ကိုရီးယားလိဂ်မှာ
ပထမဆုံးသွားရောက်ကစားနေတဲ့ဗီယက်နမ်ကွင်းလယ်လူ
လောင်ရှန်ထရန်းနဲ့ထိုင်းကွင်းလယ်လူဝိုရာချစ်တို့ရဲ့အားပြိုင်မှု
ကိုလည်းဒီနေ့ပွဲမှာမျက်ဝါးထင်ထင်တွေ့မြင်ရမှာပါ။ထိုင်းအသင်းမှာအဓိကပြသနာတစ်ခုက
အားထားရတဲ့တိုက်စစ်မှူးဘူရမ်အနီကတ်ထိထားလို့မပါနိုင်တာပါပဲ၊၊ဒါကြောင့်ထိုင်းတိုက်စစ်နေရာမှာစီတာချော့နဲ့ချန်းရော့နှစ်ဦး
ကိုသာအားကိုရမှာဖြစ်ပြီးကယ်ဗင်၊ပီချာအူချာ၊ဗီရာချက်၊ဆာဆာလက်တို့လို
တောင်ပံကစားသမားတွေနဲ့ပွဲထုတ်လာဖို့များပါတယ်။
ဗီယက်နမ်အသင်းရဲ့အားသာချက်ကငုယင်ကောင်ဖောင်
ဖြစ်သလိုအားနည်းချက်ကလည်းသူပါပဲ။ပြီးခဲ့တဲ့အင်ဒိုနဲ့ပွဲမှာ
ကောင်ဖောင်အချုပ်ခံလိုက်ရပြီးတိုက်စစ်သေသလိုဖြစ်
သွားခဲ့တာအားလုံးအသိပါပဲ။
ထိုင်းအသင်းမှာတော့ကောင်ဖောင်ကိုထိန်းချုပ်ဖို့ဆူရီယနဲ့ဝိုရာဝတ်တို့အသင့််ရှိနေပါတယ်။
နှစ်ယောက်စလုံးကဝါရင့်ကစားသမားတွေဖြစ်လို့ကောင်ဖောင်
မလွယ်ပါဘူး။
ထိုင်းအသင်းရဲ့ခြေစွမ်းဟာအင်ဒို၊တီမောစတဲ့အသင်းတွေနဲ့
ကန်ခဲ့ရမှာဆိုးဝါးလွန်းတယ်လို့ဝေဖန်ခံခဲ့ရပေမယ့်
သူတို့ဟာရသင့်ရထိုက်တဲ့အမှတ်တွေ
ကိုတော့ရယူနိုင်ခဲ့ပါတယ်။ဗီယက်နမ်ကတော့အင်ဒိုကို
သရေကျသွားတာဒုက္ခရောက်သွားပါတယ်။ဒီပွဲမှာနိုင်တဲ့သူ
ကအုပ်စုဗိုလ်ဖြစ်ပြီးတစ်ဖက်ကမြန်မာနဲ့တွေ့မှာပါ။
ဗီယက်နမ်အနေနဲ့သရေကျရင်အုပ်စုတက်တယ်
ဆိုပေမယ့်ထိုင်းကတော့လုံးဝအနိုင်ရမှအုပ်စုတက်မှာပါ။
အင်ဒိုကတော့ကမ္ဘောဒီးယားကိုဂိုးများများသွင်းပြီး
သာသာယာယာအုပ်စုကနေတက်သွားလို့ရပါတယ်။
ကျွန်တော့်အမြင်ကိုပြောရရင်တော့
နွန့်ပြောတာလက်ခံပါတယ်။ဗီယက်နမ်ဟာထိုင်းအတွက်စာရင်းမရှိပါဘူး။ထိုင်းနိုင်သွားပါလိမ့်မယ်။
Agu
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။