၀ိန်းရွန်းနီ အင်္ဂလန်လက်ရွှေးစင်ဘဝမှအနားယူ

မန်ချက်စတာယူနိုင်တက်အသင်းတွင်ကစားခဲ့ပြီး လက်ရှိအဲဗာတန်အသင်းတို့၏ကစားသမား ၀ိန်းရွန်းနီကတော့ လက်ရွှေးစင်ဘဝမှအနားယူသွားပြီဖြစ်ပါတယ်။ ရွန်းနီအနေဖြင့် လက်ရွှေးစင်ဘဝမှ အနားယူကြောင်း ဗုဒ္ဓဟူးနေ့က ကြေညာခဲ့တာပါ။ ၀ိန်းရွန်းနီက အင်္ဂလန်လက်ရွှေးစင်အသင်း၏ သမိုင်းတစ်လျှောက် ဂိုးသွင်းအများဆုံးစားသမားပါ။ ရွန်းနီက အင်္ဂလန်လက်ရွှေးစင်အတွက် ၁၁၉ပွဲကစားကာ ၅၃ဂိုးသွင်းယူပေးနိုင်ခဲ့ပါတယ်။ ဒါ့အပြင် မန်ချက်စတာယူနိုင်တက်အသင်း၏ ဂိုးသွင်းအများဆုံးကစားသမားအဖြစ် ၅၅၉ပွဲကစားကာ ၂၅၃ဂိုး သွင်းယူထားတာပါ။ 

ဒါ့အပြင် ပြီးခဲ့တဲ့ မန်ချက်စတာစီးတီးနှင့်အဲဗာတန် ပွဲစဉ်မှာ ၁ဂိုးသွင်းယူပေးခဲ့တဲ့ ရွန်းနီကတော့ ပရီးမီးယားလိဂ်ဂိုး ၂၀၀ ပြည့်မြောက်ခဲ့ပြီဖြစ်ပါတယ်။ ရွန်းနီအနေဖြင့် ပရီးမီးယားလိဂ်တွင် ဂိုးဖန်တီးပေးမှုကလည်း ၁၀၁ ကြိမ်ထိရှိခဲ့တာပါ။ ရွန်းနီအနေဖြင့် မန်ချက်စတာယူနိုင်တက်ကိုမပြောင်းရွှေ့့ခင် အဲဗာတန်မှာကစားခဲ့တုန်းက ပရီးမီးယားလိဂ်ဂိုး ၁၅ဂိုးသွင်းခဲ့ပါတယ်။ မန်ချက်စတာယူနိုင်တက်မှာ သရဲနီဘဝဖြင့် ရွန်းနီက ပရီးမီးယားလိဂ်ဂိုး ၁၈၃ဂိုးထိသွင်းယူနိုင်ခဲ့ပါတယ်။ 

ယခု အဲဗာတန်အသင်းအတွက် ပြန်ကစားစဉ်မှာတော့ ရွန်းနီက လက်ရှိပရီးမီးယားလိ၈်ပွဲစဉ်၂ပွဲမှာ ၂ဂိုးအထိ သွင်းယူပေးနိုင်ခဲ့ပါတယ်။ ဒါကြောင့် ရွန်းနီအနေဖြင့် မန်ချက်စတာ ယူနိုက်တက် - 183 ဂိုးနှင့် အဲဗာတန် - 17 ဂိုး စုစုပေါင်း ဂိုး၂၀၀အထိရှိလာတာပါ။ ဒါ့အပြင် ရွန်းနီဟာ မန်စီးတီးနဲ့ ကစားခဲ့တဲ့ ပွဲစဉ်တွေမှာ စုစုပေါင်း 12 ဂိုးထိ သွင်းယူနိုင်ခဲ့ပါပြီ ။ ဒါ့အပြင် ရွန်းနီအတွက် မှတ်တိုင်တွေ ဖြစ်ခဲ့တဲ့ 50 မြောက် ၊ 150 မြောက်နဲ့ 200 အကြိမ်မြောက် သွင်းဂိုးတွေကို မန်စီးတီးနဲ့ ကစားတဲ့ ပွဲစဉ်တွေမှာပဲ သွင်းယူနိုင်ခဲ့တာပဲ ဖြစ်ပါတယ် ။ လက်ရှိအချိန်မှာ နာမည်ကျော်တိုက်စစ်မှူး အလန်ရှီးယားရားက ပရီးမီးယားလိဂ်ဂိုး ၂၆၀ သွင်းယူကာ လိဂ်ဂိုးအများဆုံးသွင်းထားပြီး ရွန်းနီက ၂၀၀ဖြင့် ဒုတိယလိုက်နေပါတယ်။

Hein (Mg Lu Aye) 

သတင်းအရင်းမြစ် Daily Mail