“သားဖြစ်သူပထမဆုံး ကောလိပ်တတ်မယ့်နေ့ကို လိုက်ပို့ခဲ့တဲ့ ဒေးဗစ်ဘတ်ခမ်း”

နိုင်ငံကျော်ဘောလုံးသမား ဒေးဗစ်ဘတ်ခမ်းဆိုရင် မသိတဲ့လူမရှိပါဘူး။ ဘတ်ခမ်းဟာ မိသားစုအပေါ်တော်တော်ချစ်ခင်တဲ့ အိမ်ထောင်ဦးစီးတစ်ယောက်ဖြစ်ပါတယ်။ သူတို့မိသာစုလေးဟာ အားကျစရာကောင်းပြီး ပျော်ရွှင်တဲ့မိသားစုလေးဖြစ်ပါတယ်။ သူတတ်တဲ့ ပွဲတိုင်းလိုလိုမှာလည်း မိသားစုနဲ့သာ အများဆုံးပွဲတတ်ပြီး သားသမီးနဲ့မိသားစုအပေါ်ချစ်ခင်မြတ်နိုးမှုဟာ သူအတွက် ပထမဦးစားပေးမှုလို ဖြစ်တယ်ဆိုလည်း မမှားပါဘူး။ 

သားကြီးဖြစ်သူ Brooklyn Beckham ဟာ သြဂုတ်လ(၂၃)ရက်နေ့ က နယူးယော့ခ်ကကောလိပ်တစ်ခုမှာ ပညာသင်ကြားဖို့ ပထမဆုံးကျောင်းတတ်ရက်ဖြစ်ပါတယ်။ ဘတ်ခမ်းဟာ သားဖြစ်သူကို စိတ်မချပဲ ကိုယ်တိုင်လိုက်ပို့ခဲ့တယ်လို့ သိရပါတယ်။ “သားဖြစ်သူအတွက်စိတ်လှုပ်ရှားစရာကောင်းပြီး ကြိုးစားရမယ့်အချိန်တွေ ရောက်လာပါပြီ..သားအတွက်ဂုဏ်ယူမိတယ်” လို့လည်း အတူတွဲရိုက်ထားတဲ့ဓာတ်ပုံတွေနဲ့ အတူ Instagram မှာရေးသားထားပါတယ်။ ဘတ်ခမ်းမှာ သား(၃)ယောက်နှင့် သမီး(၁)ယောက်ရှိပြီး Brooklyn က အကြီးဆုံးဖြစ်ပါတယ်။   

Brooklyn Beckham ဟာ အနုပညာနဲ့ ဓာတ်ပုံပညာကို ဝါသနာပါပြီး သူ့ရဲ့ ပထမဆုံးဖြစ်တဲ့ What I See ဆိုတဲ့ ဓာတ်ပုံအယ်လ်ဘမ်ကို မကြာသေးမီက ဖြန့်ဝေခဲ့တယ်လို့ သိရပါတယ်။ ပြီးတော့ “ကောလိပ်စတတ်ရမှာဖြစ်တဲ့အတွက် အရမ်းကိုစိတ်လှုပ်ရှားနေပါတယ်။ ဝါသနာပါတဲ့ အနုပညာနဲ့ ဓာတ်ပုံပညာကို အဓိကထားပြီးတော့လေ့လာနေပါတယ်။ ဒီပညာသင်ကြားမှုအတွက် နှစ်တော်တော်ကြာအောင်အချိန်ပေးပြီးလေ့လာပါမယ်။ အရမ်းလည်း ရင်ခုန်စိတ်လှုပ်ရှားရပါတယ်” လို့အင်တာဗျူးတစ်ခုမှာ ဖြေထားပါတယ်။

သတင်းအရင်းမြစ် SearchMyanmar