ကြင်နာတတ်ပြီး လူသားဆန်တတ်တဲ့သူတွေဟာ သူတစ်ပါးကို ကိုယ်ချင်းစာတတ်တဲ့သဘောထားရှိကြပါတယ်။ ကိုယ်ချင်းစာခြင်းကို အပေါ်ယံကနေမဟုတ်ဘဲ အပြင်မှာပါတစ်ကယ်ခံယူပြီး လက်တွေ့လုပ်ကိုင်တတ်ကြသူတွေဖြစ်တာကြောင့် ပတ်ဝန်းကျင်ရဲ့အသိအမှတ်ပြုတာကိုခံရပါတယ်။ သူတို့ဟာသူတို့ရဲ့ကိုယ်ပိုင်အချိန် နေရာ ငွေကြေးအစရှိတာတွေကို လှူဒါန်းဖို့ မျှဝေဖို့တွန့်တိုတာမျိုးမရှိဘဲ လိုနေသူတိုင်းကိုကူညီချင်စိတ်အပြည့်ရှိနေတဲ့သူတွေဖြစ်ပါတယ်။
ကြွားဝါခြင်းနှင့်ပလွှားခြင်းတွေကိုသူတို့ဆီမှာလုံးဝတွေ့ရလေ့မရှိသလို သူတို့ကိုယ်ပိုင်အောင်မြင်မှုတွေကိုသိုသိုသိပ်သိပ်ထိန်းသိမ်းတတ်တဲ့သူတွေဖြစ်ပါတယ်။ မိတ်ဆွေတွေအပါအဝင် ဘယ်သူ့ကိုမှအကဲဖြတ်တဲ့စိတ်နေစိတ်ထားနှင့်ကြည့်တာမျိုးမရှိဘဲ ကူညီပေးတတ်ကြပါတယ်။ ဝေဖန်မှုမလုပ်ကြဘဲ အကြံပေးတာ ပြောပြတာမျိုးပဲလုပ်တတ်ကြတဲ့သူတွေဖြစ်ပါတယ်။
ကျေးဇူးတင်တတ်တဲ့စိတ်ရှိပြီးတော့ သူ့အပေါ်ကျေးဇူးရှိသူကိုလည်း မမေ့မလျော့ပြန်ပေးဆပ်တတ်တဲ့သူဖြစ်ပါတယ်။ တစ်ခြားသူတွေရဲ့ ကြင်နာမှုတွေကိုမှတ်သားထားပြီးတော့ သူတို့ကိုယ်တိုင် အဲ့လိုကြင်နာတတ်တဲ့သူတွေဖြစ်လာအောင်အမြဲကြိုးစားနေတတ်ကြပါတယ်။