ထိလွယ်ရှလွယ်ဖြစ်တတ်တဲ့သူတွေဟာ များသောအားဖြင့် စိတ်ပိုင်းဆိုင်ရာမှာခံစားချက်များတတ်ကြပါတယ်။ သူတို့အနေနှင့် အပြင်ပိုင်းမှာပုံမှန်လိုမျိုးနေထိုင်သွားလာတာရှိတတ်ပေမဲ့ စိတ်ပိုင်းဆိုင်ရာအရမှာ တစ်ခြားသာမာန်လူတွေထက် ခံစားလွယ်ပြီးတော့ ခံစားချက်တွေပြင်းထန်တတ်ကြပါတယ်။ ဒါကြောင့် ပတ်ဝန်းကျင်ကသူတွေကို ကိုယ်ချင်းစာပေးတတ်လွန်းပြီး တစ်ခါတစ်ရံမှာခံစားချက်ကြောင့်ပဲ မလုပ်သင့်တာတွေလုပ်မိသွားတတ်ကြပါတယ်။
အလုပ်ရှုပ်နေတဲ့ ပတ်ဝန်းကျင် ဒါမှမဟုတ် ပင်ပန်းရတဲ့အခြေအနေတွေမှာ ဒီလိုလူတွေဟာ ကြာရှည်တောင့်ခံနိုင်ခြင်းမရှိဘဲ အလွယ်တကူပဲပင်ပန်းတတ်ကြပါတယ်။ သူတို့အနေနှင့် ဆူညံမှုတွေ ပတ်ဝန်းကျင်မှာလှုပ်ရှားနေတာတွေဟာ အတော်လေးကိုစိတ်ပင်ပန်းအောင်ဖြစ်စေတဲ့အရာတွေပါ။
ပတ်ဝန်းကျင်နှင့်ရောထွေးနေရတာထက် ကိုယ့်အတွေးကမ္ဘာမှာ တစ်ယောက်ထဲ ခွဲခြမ်းစိတ်ဖြာနေရတာက ပိုပြီးအဆင်ပြေတတ်ကြပါတယ်။ ကိုယ်ပိုင်အတွေးတွေကို သေချာစုစည်းထားပြီး မကြာခဏပြန်တွေးတောတတ်ကြတဲ့ပုံစံဖြစ်ပါတယ်။ အသေးစိတ်အကြောင်းအရာတွေကို ပိုဦးစားပေးတတ်တဲ့အကျင့်ရှိပြီးတော့ တစ်ခြားလူတွေထက် အသေးစိတ်အကြောင်းအရာတွေကိုပိုအာရုံရောက်တတ်တဲ့သူတွေလည်းဖြစ်ပါတယ်။
Bong I.T