ဒိတ်လုပ်ခြင်းဟာ ပုံမှန်အားဖြင့် လူနှစ်ယောက်ရှိဖို့လိုအပ်ပေမဲ့ တစ်ယောက်တည်းလည်း ပျော်ပျော်ရွှင်ရွှင်ဒိတ်လုပ်နိုင်ပါတယ်။ ဒီလိုလုပ်ခြင်းဟာ ကိုယ့်ကိုယ်ကိုယ်ပိုချစ်တတ်လာစေပြီးတော့ တစ်ခြားကောင်းမွန်တဲ့အကျိုးသက်ရောက်မှုတွေလည်းအများကြီးဖြစ်စေပါတယ်။ တစ်ယောက်တည်း ဒိတ်အတွက် အကောင်းဆုံးအိုင်ဒီယာတစ်ခုကတော့ ပြတိုက်နှင့် ပြခန်းလိုမျိုးနေရာတွေကိုသွားခြင်းဖြစ်ပါတယ်။ ဒီလိုနေရာတွေဟာ တိတ်ဆိတ်တဲ့အပြင် တစ်ယောက်တည်းသွားဖို့အတွက် တစ်ကယ်ကိုအဆင်ပြေတဲ့နေရာဖြစ်ပါတယ်။
အရင်ကမတက်ဖူးတဲ့ အတန်းတစ်ခုခုကိုစာရင်းသွင်းပြီး တက်လိုက်တာကလည်း တစ်ယောက်တည်းဒိတ်အတွက် အဆင်ပြေတဲ့အိုင်ဒီယာတစ်ခုပါ။ ယောဂသင်တာ ဒါမှမဟုတ် ဟင်းချက်သင်တာမျိုးဟာ စိတ်အပန်းပြေစေတဲ့အပြင် ခန္တာကိုယ်ကိုလည်း ကောင်းမွန်တဲ့သက်ရောက်မှုတွေဖြစ်စေနိုင်ပါတယ်။ ကိုယ်မသိတဲ့လူတွေရှိနေတဲ့ ဖျော်ဖြေပွဲတစ်ခုကိုသွားတာမျိုးအပြင် ရှိုးပွဲတွေကြည့်တာမျိုးကလည်း Solo Date အတွက် အဆင်ပြေတဲ့ အိုင်ဒီယာပါ။
မိတ်ကပ်အသစ်တစ်ခုကို ကိုယ်တိုင်ကြိုးစားပြင်ကြည့်တာမျိုးအပြင် မဝတ်ဖူးသေးတဲ့ဖက်ရှင်တွေကို ဆိုင်တွေမှာသွားပြီး စမ်းကြည့်တာမျိုးကလည်း ပျော်စရာကောင်းပြီး ကိုယ့်ကိုယ်ကိုယ်ပိုနားလည်လာစေတဲ့ ဒိတ်ဖြစ်ပါတယ်။ စာကြည့်တိုက်လိုမျိုးသွားပြီး တစ်ယောက်တည်းစာအုပ်ဖတ်တာ စာသွားရေးတာမျိုးလုပ်တာကလည်း အဆင်ပြေပြီး အေးချမ်းတဲ့ဒိတ်အိုင်ဒီယာပဲဖြစ်ပါတယ်။
Bong I.T