ဆက်ဆံရေးတစ်ခုမှာအရေးကြီးဆုံးဟာ စိတ်ပိုင်းဆိုင်ရာလုံခြုံစိတ်ချမှုရှိဖို့ဖြစ်ပါတယ်။ လူတွေဟာ ဆက်ဆံရေးစတင်တဲ့အခါ ဒီလိုအရေးကြီးဆုံးအချက်ကိုမေ့လျော့တတ်ကြပါတယ်။ ဒါကြောင့် ဒီလိုဆက်ဆံရေးတစ်ခုဖြစ်လာအောင် ဘာတွေလိုအပ်လဲဆိုတာကို ဖော်ပြပေးသွားပါမယ်။
ဒီလိုဆက်ဆံရေးတွေဟာ တစ်ယောက်ကိုတစ်ယောက်အားပေးတတ်ကြပြီးတော့ လှောင်ပိတ်ထားတာမျိုးမလုပ်ကြပါဘူး။ အတူတူကြီးပြင်းလာဖို့ကူညီပေးပြီးတော့ အချင်းချင်းလေးစားမှုရှိကြပါတယ်။ ဆက်ဆံရေးကိုအကြောင်းပြပြီးစည်းကျော်တာမျိုးမလုပ်တတ်ကြသလို မတူညီမှုတွေကိုလည်း နားလည်ပေးပြီးအချင်းချင်းလက်ခံပေးတတ်ကြပါတယ်။
ဆက်ဆံရေးတစ်ခုတည်ဆောက်ထားပေမဲ့ အချင်းချင်းကျေးဇူးတင်စိတ်ကိုအမြဲဖော်ပြကြပြီးတော့ တစ်ယောက်ကိုတစ်ယောက်တန်ဖိုးထားကြပါတယ်။ ပြဿနာတစ်ခုကြုံလာရရင် တစ်ဖက်လူကိုပဲ အပြစ်ပုံချတာမျိုးမလုပ်ဘဲ အတူတူတိုင်ပင်ပြီးအဖြေရှာကြလေ့ရှိပါတယ်။ အဆိုးဝါးဆုံးအခြေအနေတွေမှာတောင်မှ တစ်ဖက်လူကိုအပြစ်ပြောဖို့မတွေးဘဲ တိုင်တိုင်ပင်ပင်ရှိတတ်ကြတဲ့ဆက်ဆံရေးဖြစ်ပါတယ်။
Bong I.T