ပြီးခဲ့တဲ့ ၁၉၁၈ ခုနှစ် ပထမကမ္ဘာစစ် အကြီးအကျယ်ဖြစ်နေတဲ့အချိန် အောက်တိုဘာလ(၃)ရက်နေ့မှာ ဗိုလ်ချုပ် Charles White Whittlesey အပါအဝင် သူရဲ့စစ်သား ၁၉၀ကျော်ခန့်ဟာ ရန်သူတွေရဲ့ထောင်ချောက်မှာပိတ်မိနေခဲ့ပါတယ်။ ဒါကြောင့်သူတို့သေချာလေ့ကျင့်ပေးထားတဲ့ စာပို့ခိုလေးနဲ့ ပင်မဌာနချုပ်ကို ဆက်သွယ်အကူအညီတောင်းဖို့ကျိုးစားခဲ့ပါတယ်။
ဒီခိုလေးရဲ့နာမည်ကတော့ Cher Ami ဖြစ်ပြီး ရန်သူတွေကလည်း ဒီစာပို့ခိုလေးကိုတွေ့တဲ့အတွက် သေနတ်နဲ့လိုက်ပစ်ချခဲ့ပါတယ်။
ဒါပေမယ့် ခိုလေးဟာ ပင်မဋ္ဌာနချုပ်ကို အရောက်သွားခဲ့ပြီး Whittleseyရဲ့စာကို အရောက်ပို့ပေးနိုင်ခဲ့ပါတယ်။ ပင်မငှာနချုပ်ကို ရောက်လာချိန်မှာတော့ ခိုလေးဟာ ခြေထောက်တစ်ဖက်ပြတ်နေခဲ့သလို မျက်လုံးတစ်လုံးကလည်း ကွဲပြဲပြီး မမြင်ရတော့ပါဘူး။ တစ်ကိုယ်လုံးမှာလည်းသွေးတွေပေကျန်နေကာ အရမ်းနာကျင်နေခဲ့ပေမယ့်လည်း တာဝန်ကိုကျေပွန်အောင် ထမ်းဆောင်ခဲ့တဲ့ ဒီခိုလေးရဲ့ သတ္တိကတော့ လေးစားစရာပါပဲ။
ဗိုလ်ချုပ် Whittlesey နဲ့ စစ်သား ၁၉၀ ကျော်တို့ကတော့ ခိုးလေးပို့ပေးတဲ့စာကြောင့်ပဲ အကူအညီရပြီး အသက်ဘေးကနေလွတ်ခဲ့ကြပါတယ်။
ဒီခိုလေးသာ တာဝန်မကျေပွန်ခဲ့ရင် စစ်သားတွေအားလုံးရဲ့ အသက်ဟာဘာဖြစ်မလဲဆိုတာ မတွေးနိုင်ပါဘူး။
အဲ့ဒီနောက် ခိုလေးသေဆုံးသွားချိန်မှာတော့ ရဲစွမ်းသတ္တိနဲ့ ပြည့်စုံပြီး တာဝန်ကျေပွန်ခဲ့တဲ့ ဒီခိုလေးကို သူရဲကောင်းဘွဲ့ချီးမြှင့်ခဲ့ပြီး ပုံတူရုပ်ထုပြုလုပ်ကာ ပြသထားပါတယ်။
သေဆုံးသွားပေမယ့် နာမည်မသေခဲ့ပဲ ဒီခိုလေးရဲ့အကြောင်းဟာ ယနေ့ထက်ထိပျံ့လွင့်နေဆဲဖြစ်တာကြောင့် ဖော်ပြပေးလိုက်ရပါတယ်။
သတင်း အရင်းအမြစ်៖ Wikipedia