မူးယစ်စေတဲ့ သေရည်သေရက် သောက်စားခြင်းကို အမျိုးသားအများစုဟာ ခုံမင်မက်မောကြပြီး တချို့အလွန်းအကျွံ သောက်စားမှုကြောင့် အသိစိတ်များ ပျောက်သွားတာတွေအပြင် စီးပွားပျက်တတ်ယုံသာမကဘဲ ရေရှည်သောက်စားခြင်းကလည်း အသက်ကိုပါ ထိခိုက်စေပါတယ်။ ယခုမှာလည်း အမျိုးသားတစ်ဦးဟာ အရက်ကြောင်ကြောင်ပြီး ဓါတ်မီးကြိုးပေါ်တက်သွားခဲ့လို့ သဲထိပ်ရင်ဖို ဖြစ်ခဲ့ရတဲ့ ရုပ်သံဖိုင်တစ်ခုဟာ လူမှုကွန်ယက်ပေါ်မှာ ပျံ့နှံ့လာတာတွေ့ရပါတယ်။
ဒီဖြစ်ရပ်လေးကတော့ အောက်တိုဘာလ (၁၆) ရက်နေ့ ညနေ (၁၇:၀၀) ချိန်က ထိုင်းနိုင်ငံခွန်ကဲန်ခရိုင်၊ နမ့်ဖောင်းရပ်ကွက် (၂)မှာ ဖြစ်သွားခဲ့တာ ဖြစ်ပါတယ်။ အသက် (၃၃) နှစ်အရွယ်ရှိတဲ့ အဆိုပါ အမျိုးသားဟာ အရက်ကြောင်ကြောင်သွားပြီး ဓါတ်တိုင်မှတဆင့် ဓါတ်ကြိုးပေါ်တက်သွားခဲ့တာကြောင့် ရပ်ကွက်အထဲက ပြည်သူများက အရေးပေါ် မီးမိန်းချလိုက်ရပြီး (၅ ) နာရီအကြာ ဝါးလုံးရှည်ဖြင့်ထိုးချခြင်း၊ ကလော်ချခြင်းများ ပြုလုပ်ခဲ့ကြတာ ဖြစ်ပါတယ်။
အောက်ကနေ စောင့်ကြည့်နေရတဲ့ ပြည်သူတွေကတော့ သဲထိပ်ရင်ဖိုနဲ့ ဝိုင်းဝန်းကူညီပေးခဲ့တာ ဖြစ်ပါတယ်။ ဓါတ်တိုင်အောက် ရောက်သွားတဲ့ အချိန်မှာတော့ အဆိုပါအမျိုးသားကို ရဲလက်အပ်လိုက်ကြပြီး လက်ရှိမှာ အချုပ်ထဲရောက်နေကြောင်းလည်း ကြားသိရပါတယ်။ မိခင်ဖြစ်သူရဲ့ ပြောကြားချက်အရ ယခင်ကလူတော်လူကောင်း တစ်ယောက်ဖြစ်ခဲ့ပြီး အရက်နှင့် မူးယစ်ဆေးရဲ့သားကောင် ဖြစ်သွားရှာတာကြောင့် ယခုလိုမျိုးဖြစ်သွားခဲ့တာလို့ ဆိုပါတယ်။
သတင်း အရင်းအမြစ်៖ Source - Original Upload