မြန်မာနိုင်ငံဟာ ဖေဖော်ဝါရီ(၁)ရက်နေ့မှ စတင်ကာ စစ်ကောင်စီရဲ့ အာဏာထိန်းချုပ်မှုအောက်မှာရောက်ရှိနေခဲ့တာဖြစ်ပါတယ်။မြန်မာနိုင်ငံအရေးဟာ ပြည်သူများရဲ့ စည်းလုံးညီညွတ်စွာ ဝိုင်းဝန်းအားစိုက်မှုကြောင့် အာဆီယံနိုင်ငံများသာမက ကမ္ဘာ့ကုလသမဂ္ဂအထိပါ သတိထားမိလာကြတဲ့ အနေအထားကိုရောက်ရှိခဲ့တာဖြစ်ပါတယ်။
လက်ရှိမှာ စစ်ကောင်စီကို ပစ်မှတ်ထား အရေးယူဆောင်ရွက်မှုများပြုလုပ်မယ့် အမေရိကန် Burma Act ဥပဒေကြမ်း ရှေ့ဆက် အသက်ဝင်လာရေး တွန်းအားပေးရေးအတွက် U.S Advocacy Coalition for Myanmar - USACMမှ ကိုယ်စားလှယ်(၃) ဦးဟာ အမေရိကန် လွှတ်တော်အမတ်(၃) ဦးနှင့် သွားရောက်တွေ့ဆုံခဲ့ကြောင်း USACMက သတင်းထုတ်ပြန်ခဲ့ပါတယ်။
အမေရိကန်လွှတ်တော်အမတ်များဖြစ်ကြတဲ့ Senator Ben Cardin ၊ Steny Hoyer နှင့် Senator Jim Inhofe တို့ကို အောက်တိုဘာလ (၁၉) ရက်နေ့တွင် သွားရောက်တွေ့ဆုံခဲ့ကြောင်း၊ USACMက Burma Act ဖြစ်ပေါ်လာရေး ဦးဆောင်ကြိုးစားသူ Senator Cardin က ကျေးဇူးတင်ကြောင်း ပြောဆိုပြီး ဥပဒေကြမ်း ဆက်လက် အသက်ဝင်လာရေး နှင့် ဥပဒေအတွင်းပါဝင်သော အရေးကြီးအချက်အလက်များနှင့်ပတ်သက်၍ အတိုချုံး ဆွေးနွေးပြောဆိုကြကြောင်း သိရှိရပါတယ်။