ပြည်သူ့အသည်းကျော် ရုပ်ရှင်မင်းသား နေဒွေးဟာ ကလေးတစ်ယောက်ကို မွေးစားမှာ ဖြစ်တဲ့အကြောင်း မနေ့က သိရှိခဲ့ရပါတယ်။ အဆိုပါ ကလေးမှာ မိဘတွေက ပြန်မလာကြတော့ဘဲ ဘွားအေကြီးနဲ့ နှစ်ယောက်တည်း ကျူးကျော်တဲလေးမှာ နေထိုင်ပြီး ဘဝကို ရုန်းကန်နေကြရရှာတာပါ။
သနားစရာ မြေးအဖွားနှစ်ယောက်အကြောင်းကို သိရှိသွားတဲ့ မင်းသား နေဒွေးဟာ ကလေးရဲ့ ဘဝလေး အဆင်ပြေ တိုးတက်လာဖို့ မွေးစားခဲ့ပါတယ်။ ဒီနေ့ သူ့ရဲ့ facebook စာမျက်နှာမှာ ပရိသတ်တွေ ကြည်နူး ရစေဖို့ မြေးအဖွားနှစ်ယောက်နဲ့ တွဲရိုက်ထားတဲ့ ပုံလေးကို ခုလို ဖော်ပြခဲ့ပါတယ်။
သူ့ရဲ့ လစဥ်ထောက်ပံ့ငွေနဲ့ အဖွားလည်း ပင်ပင်ပန်းပန်း စျေးရောင်းစရာ မလိုဘဲ ဘုရားရိပ် တရားရိပ်မှာ ငြိမ်းချမ်းစွာ နေထိုင်နိုင်ရင် သူ ဝမ်းသာ ပီတိ ဖြစ်ရပါတယ်လို့ ဆိုထားပါတယ်။ ကလေးလည်း သူပေးတဲ့ မုန့်ဖိုးနဲ့ အဖွားကို ကန်တော့နိုင်တော့ သူ ကုသိုလ်ရတာပေါ့လို့ ဆိုပါတယ်။
အခုလို ဖြူစင်သန့်ရှင်းတဲ့ စေတနာ မေတ္တာတွေကြောင့် ကလေးတို့ မြေးအဖွားလည်း ငြိမ်းချမ်းပျော်ရွှင်စွာ နေနေရမှာပါ။ နောက်လည်း ခုလို ပီတိဖြစ်စရာ ကုသိုလ်လေးတွေ အများကြီး လုပ်နိုင်ဖို့ ဆုတောင်းပေးလိုက်ပါတယ်။