YBSခရီးသည်များထံမှ ခိုးဆိုးလုနှိုက်သူ လေးဦး

YBSကားပေါ်သို့ အတင့်ရဲစွာနဲ့ ခရီးသည်များထံမှ ငွေလု ခိုး နှိုက် မှုတွေဖြစ်ပွားလျှက်ရှိပါတယ်။ခရီးသည်များအနေနဲ့ ဒီကိစ္စတွေဖြစ်ပေါ်ခြင်းဟာကြောက်လန့်စရာလို ဖြစ်နေပါပြီ။ယခုအခါတွင်လည်း ထပ်မံ ခိုးဆိုးလုနှိုက်သူ လေးဦးကို စစ်ဆေးဖမ်းဆီးနိုင်ခဲ့တယ်လို့သိရပါတယ်။ရန်ကုန်တိုင်းမြောက်ပိုင်းခရိုင် ရဲတပ်ဖွဲ့မှူးရုံး နယ်မြေအတွင်း သတင်းစုံစမ်းဆောင်ရွက်နေစဉ် သြဂုတ်လ ၂၅ ရက်နံနက် ၅ နာရီခန့်က အင်းစိန်မြို့နယ်ဖော့ကန်ဈေးတိုင်ဘက်မှ ၁ ဂိတ် မှတ်တိုင်ဘက်သို့ မောင်းနှင်လာသော YBSလိုင်းအမှတ် ၄၀ ပေါ်မှဆင်းလာသူများကို မသကာၤသဖြင့် စစ်ဆေးခဲ့ရာ ခိုးမှု၊ခါးပိုက်နှိုက်မှု၊လုယက်မှုများကျူးလွန်သူများကို ထပ်မံတွေ့ရှိခဲ့သည်။

ယင်းပြစ်မှုကျူးလွန်သူများမှာ လှိုင်သာယာမြို့နယ်နေသူများဖြစ်သည့် ထွန်းတောက်(ခ)မြင့်ဦး (၆၂)နှစ်၊အောင်ကျော်(၄၂)နှစ်၊အောင်သူမိုး(၂၃)နှစ်နှင့်အရှည်ကြီး(ခ)မောင်ငယ်(ခ)ဝင်းဦး(၄၈)နှစ်တို့ဖြစ်ကြောင်းသိရပါတယ်။ယင်းလေးဦးကို တွေ့ရှိသဖြင့် စစ်မေးရာအောင်ကျော်ထံမှ ငွေကျပ် ၄၀၈၀၀ကျပ်ကိုတွေ့ရှိခဲ့သည်။ငွေများနှင့်ပတ်သက်ပီးစစ်ဆေးရာ အဆိုပါငွေများကို ယာဉ်ပေါ်ပါအသက် (၄၀)ခန့်ရှိသူ အမျိုးသမီးတစ်ဦးရဲ့ဘေးလွယ်အိတ်အတွင်းမှ နှိုက်ယူခဲ့သော ငွေများဖြစ်ကြောင်းစစ်ဆေးပေါ်ပေါက်ခဲ့သည်။

စစ်ဆေးပေါ်ပေါက်ချက်အရ အောင်ကျော်ပါ လေးဦးတို့အား အင်းစိန်မြို့မရဲစခန်းက(ပ)၂၂၈၈/၂၀၁၇ပြစ်မှုဥပဒေ-၃၇၉ဖြင့် အမှုဖွင့်ကာ အရေးယူနေကြောင်းသိရပါတယ်။ရန်ကုန်တိုင်းဒေသကြီးရဲတပ်ဖွဲ့အနေဖြင့်ခိုးမှု ၊လုယက်မှုကျူးလွန်သူများ ဖမ်းဆီးရမိရေးအတွက် တစိုက်မတ်မတ်ဆောင်ရွတ်ရန် စွန်ရဲစီမံချက်အဆင့် (၃)ကို ဇူလိုင်၁ ရက်မှ သြဂုတ် ၃၁ရက်အထိ စီမံချက်ကာလအဖြစ် သတ်မှတ်ဆောင်ရွက်လျက်ရှိကြောင်းလည်းသိရပါတယ်။

သတင်းအရင်းမြစ် စံေတာ္ခ်ိန္