ကြောက်စရာကောင်းတယ့်ခေတ်ကြီးကိုတော့ရောက်လာပါပြီ။အရင်ကဆိုဆရာဆရာမစကားကိုနားထောင်ပြီး ဆရာ၊ဆရာမရဲ့ဆုံးမသွန်သင်မှုကြောင့်တပည့်တွေ အမှားကနေအမှန်။အဆိုးကနေအကောင်းဖြစ်စေခဲ့ပါတယ်။ကျောင်းသားတွေဟာဆရာ၊ဆရာမရဲ့ တပည့်သားသဖွယ်နေထိုင်ပြုမူရမယ်ဆိုလည်းမမှားပါဘူး။ယခုအခါမှာတော့ ဒသမတန်းကျောင်းသားက ဆရာမ၏မျက်နှာကို လက်သီးဖြင့်ထိုးကြိတ်မှုတစ်ခု မန္တလေးတွင် ဖြစ်ပွားခဲ့တာဖြစ်ပါတယ်။

ဒသမတန်းကျောင်းသားတဦးသည် ရူပဗေဒဘာသာသင်ကြားသည့်ဆရာမအား စာသင်ချိန်အတန်းအတွင်း ကိုယ်ထိလက်ရောက်ထိုးကြိတ်မှုဖြစ်ပွားခဲ့သဖြင့် အခြေခံပညာဦးစီးဌာနသို့တင်ပြထားကြောင်း မန္တလေးတိုင်းဒေသကြီး ပညာရေးမှူးရုံးထံမှ သိရသည်။ဖြစ်စဉ်မှာ အတန်းထဲတွင် စာသင်နေစဉ်၌ ကျောင်းသားက မထီမဲ့မြင်ပြုလုပ်သဖြင့် အတန်းပိုင်နှင့် အတန်းမှူးကို ဘာသာပြဆရာမက သွားရောက်အသိပေးခဲ့ရာ ၎င်းတို့ရောက်လာချိန်တွင် ဘာသာပြဆရာမမျက်နှာကို လက်သီးဖြင့် ထိုးခဲ့ခြင်းဖြစ်သည်။

“ထူးခြားဖြစ်စဉ်အနေနဲ့ ပုသိမ်ကြီးမြို့နယ်အဆင့်မှာဆောင်ရွက်ထားပြီးတော့ တိုင်းရုံးကိုတင်ပြလာတာပါ။ ဆရာမက ရိုက်နှက်တာမဟုတ်ဘဲ သာမန်ဆုံးမမှုမျိုးပြုလုပ်ခဲ့ရာက ဆရာမရဲ့မျက်နှာကို လက်သီးနဲ့ထိုးခဲ့တယ်လို့သိရတယ်။ ဆက်လက်တင်ပြထားတာ မှတ်ချက်တော့ မလာသေးဘူး”ဟု တိုင်းဒေသကြီး ပညာရေးမှူးရုံး (စီမံ) မှ ဒု-ညွန်ကြားရေးမှူး ဦးခင်မောင်မြင့်က ပြောကြားခဲ့သည်။ 

သတင်းအရင်းအမြစ်-new watch

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။