Aquatica laterails လို့ခေါ်တဲ့ ပိုးစုန်းကြူးလေးကတော့ ဂျပန်လို " heike-botaru " လို့ခေါ်ပြီး ရုရှား ၊ ဂျပန် နဲ့ ကိုရီးယားတို့မှာ တွေ့ရလေ့ရှိတဲ့ ပိုးစုန်းကြူးမျိုးစိတ်လေးပဲ ဖြစ်ပါတယ်။ ၁၈၆၀ ခုနစ်မှာ ရုရှားပညာရှင်တစ်ဦးဖြစ်တဲ့ Victor Lvanovich Motschulsky က Luciola laterails မျိုးစိတ်ဝင်အဖြစ် စတင် ဖော်ပြခဲ့ပါတယ်။ အခြား ပိုးစုန်းကြူးမျိုးစိတ်တွေနဲ့ မတူဘဲ Aquatica laterails ပိုးစုန်းကြူးတွေဟာ သားလောင်းအဆင့်မှာ ရေထဲမှာ ရှင်သန်နေကြပါတယ်။ ဒါကြောင့် နောက်ပိုင်းမှာ Luciola laterails မှ Aquatica laterails ပိုးစုန်းကြူးဆိုပြီး ဖြစ်လာတာပဲ ဖြစ်ပါတယ်။
အရွယ်ရောက်ပြီးတဲ့ Aquatica laterails အထီးတွေရဲ့ ပျမ်းမျှအရွယ်အစားမှာ ၆.၅ မှ ၉.၅ မီလီမီတာ ( ၀.၂၆ မှ ၀.၃၇ လက်မ ) ရှိပြီး ၂.၃ မှ ၃.၃ မီလီမီတာ ( ၀.၀၉၁ မှ ၉.၁၃၀ လက်မ ) ကျယ်တာကြောင့် အတော်သေးတယ်ဆိုပေမဲ့ အခြားပိုးစုန်းကြူးတွေနဲ့ယှဉ်ရင်တော့ အလယ်အလတ်ကြီးတဲ့ ပိုးစုန်းကြူးမျိုးစိတ်ပဲ ဖြစ်ပါတယ်။ ခန္ဓာကိုယ်မှာ ဘဲဥပုံ ရှိပြီး ထူးထူးခြားခြား ပန်းရောင် မျက်လုံးနှစ်ဖက် တို့ ပါရှိကြပါတယ်။ Aquatica laterails ပိုးလောင်းတွေကို စပါးခင်း နဲ့ ရေစိုစွတ်တဲ့နေရာတွေမှာ တွေ့ရပြီး အရွယ်ရောက်ပြီးသူတွေကိုတော့ ဧပြီလ မှ နိုဝင်ဘာလအထိ ညနက်တွေမှာ ကျယ်ကျယ်ပြန့်ပြန့် တွေ့ရလေ့ ရှိပါတယ်။