International Week မှာ ဘယ်သူ့ကို မဲပေးဖြစ်လဲ

The X- Factor ရဲ့ International Week မှာတော့ နိုင်ငံတကာက သီချင်းတွေကို သီဆိုယှဉ်ပြိုင်ရမှာပဲ ဖြစ်ပါတယ်။ ကိုယ်နှစ်သက်တဲ့ ပြိုင်ပွဲဝင်ကို နောက်ထပ်တစ်ဆင့် တက်လှမ်းနိုင်ဖို့အတွက် မဲပေးဖို့လည်း မမေ့ကြပါနဲ့နော်

ပထမဆုံး တင်ဆက်သူဖြစ်တဲ့ ယမုံ (Voting number – X03) က “ROAR” သီချင်းကို Performance ကောင်းကောင်းနှင့် အမှားအယွင်းမရှိ သီဆိုသွားနိုင်ခဲ့ပါတယ်။ ဒီတစ်ပတ်မှာလည်း Bottom မထိုင်ရအောင် ပရိတ်သတ်ကြီးက အားပေးပါဦးနော်။

David Derrick (Voting Number – X11) ကတော့ Bruno Mars ရဲ့ သီချင်းကောင်းတစ်ပုဒ်ဖြစ်တဲ့ “Marry You” သီချင်းကို Performance အပြည့်နှင့် အမှားအယွင်းမရှိ သီဆိုတင်ဆက်သွားခဲ့ပါတယ်။ နှုတ်ခမ်းနီမလေးတွေရဲ့ အားပေးမှုကို ရရှိထားတဲ့ သူရဲ့ ဖျော်ဖြေတင်ဆက်မှုကိုလည်း ဒီညမှာ မဲ့ပေးကြဖို့ မျှော်လင့်ပါတယ်။

Oxygen (Voting Number – X06) အဖွဲ့ကတော့ Rihanna ရဲ့ “Diamond” သီချင်းကို သီဆိုဖျော်ဖြေခဲ့ပါတယ်။ အစာအိမ်ကြောင့် ခွဲစိတ်ခန်း ၀င်ခဲ့ရတဲ့ အခြေအနေကြောင့် သီချင်းဆိုလို့မရတဲ့ Member တစ်ဦးဖြစ်တဲ့ မျိုးဆက်ကိုလည်း နေပြန်ကောင်းအောင် ဆုတောင်းပေးရင်း Oxygen အဖွဲ့ကိုလည်း နောက်ထပ်တစ်ဆင့်ကို တက်ရောက်နိုင်ဖို့အတွက် မဲပေးကြပါဦး။ 

G Mine Nar (Voting Number – X10) က “One call away” သီချင်းကို ခံစားချက်အပြည့် Performance အပြည့်နှင့် သီဆိုဖျော်ဖြေခဲ့ပါတယ်။ ဒိုင်လူကြီးများအားလုံးရဲ့ ချီးကျူးမှု ရခဲ့သလိုပဲ ပရိတ်သတ်များကလည်း သူရဲ့ ဖျော်ဖြေတင်ဆက်မှုကို မဲပေးကြဖို့လည်း မျှော်လင့်ပါတယ်။

မယ်လိုဒီခေါင် (Voting Number – X08) ကတော့ “I’m a love with a monster” သီချင်းလေးကို ချစ်စရာကောင်းကောင်းနဲ့ သီဆိုတင်ဆက်ခဲ့ပါတယ်။ သီချင်းလည်းဆိုရင်း ကလည်း ကရင်း ဖျော်ဖြေခဲ့တဲ့ သူမကို ဒီတစ်ပတ်မှာ bottom မထိုင်ရလေအောင် အားပေးကြဖို့ မျှော်လင့်ပါတယ်။ 

မနက်ဖြန် ပြသတင်ဆက်မဲ့ Result Show မှာ ဧည့်သည်အဆိုတော်အဖြစ် ပန်းရောင်ခြယ်မှ ဖျော်ဖြေတင်ဆက်ဦးမှာမို့ စောင့်မျှော်အားပေးကြဖို့ မမေ့ပါနဲ့နော်။ ပရိတ်သတ်များအနေနဲ့ မဲပေးတဲ့အခါ MPT – 8606, Telenor – 6666, Ooredoo – 6002 နံပါတ်များကို ပြိုင်ပွဲဝင်များရဲ့ ကုဒ်နံပါတ်တစ်ခုတည်းကိုသာ ရိုက်နှိပ်ပြီး SMS ပေးပို့ပေးရမှာပဲ ဖြစ်ပါတယ်။ online ကနေ မဲပေးချင်တယ်ဆိုရင်တော့ https://apps.facebook.com/forevergroup/the-x-factor-myanmar-2017-voting မှာ မဲပေးနိုင်ပါတယ်။