အစ်မဖြစ်သူရွှေမှုန်ရတီဆီကနေ ကြိုးစားသင်ယူနေတဲ့ငွေမှုန်ရတီ

အသက်ငယ်ငယ်ရွယ်ရွယ်နဲ့ အနုပညာလောကမှာ ရွှေမှုန်ရတီရယ်လို့ နာမည်တစ်လုံးရယူပြီးဖြစ်တဲ့ ရွှေမှုန်ရတီရဲ့ညီမဖြစ်သူ ငွေမှုန်ရတီကလည်း အစ်မနည်းတူ အနုပညာလမ်းကြောင်းပေါ် လျှောက်လှမ်းဖို့ရှိတယ်လို့ဆိုပါတယ်။ 

ရွှေမှုန်ရတီကို ပညာရေးမပြီးဆုံးသေးဘဲ အနုပညာလမ်းကိုလျှောက်ဖို့ ဆုံးဖြတ်ခဲ့တဲ့သူတစ်ယောက်အဖြစ် ပရိသတ်တွေကသိမြင်ကြပေမယ့် ငွေမှုန်ရတီကတော့ ပညာရေးနဲ့အနုပညာနှစ်ခုလုံးကို မျှတအောင်ကြိုးစားနေပြီး ပရိသတ်ကို သူမရဲ့ကြိုးစားမှုလေးတွေ ချပြချင်တယ်လို့ ဆိုပါတယ်။

အစ်မဖြစ်သူ ရွှေမှုန်ရတီဆီကနေ ဘယ်လိုသရုပ်ဆောင်ပိုင်းမျိုးလေ့လာသလဲဆိုတဲ့ အပေါ်

" အစ်မကတော့ ငိုတာအရမ်းတော်တဲ့အတွက် သူ့ဆီ ငိုတာလေးတွေ တစ်ချက်တော့ မေးကြည့်ဖြစ်တယ်။ နောက် အမေကလဲ ပြောပြတယ်။ အခက်အခဲတော့ သိပ်မရှိပါဘူး။ တစ်ချို့ကလဲပြောကြတယ်။ အနုပညာလောကထဲမှာ မောင်နှမတို့၊ ညီအစ်မတို့ဆိုရင် အကြီးတွေကအောင်မြင်ရင် အငယ်တွေကကျန်ခဲ့တယ်ပေါ့နော်။ အဲ့ဒါကလဲ ကိုယ့်ကြိုးစားမှုနဲ့ပဲ ဆိုင်မယ်လို့ထင်ပါတယ်။ ကိုယ်ကြိုးစားမှကိုယ်ရတာဆိုတော့ ဒါကကြိုးစားမှာဖြစ်မယ်။ အဲဒါကြောင့် ငွေမှုန်ကြိုးစားနေပါတယ်။ ပရိသတ်ရဲ့အားပေးမှုရအောင်လဲ ငွေမှုန်ကြိုးစားနေပါတယ်။ "

Source : Myanmar Cuties

Alexa