သဘာဝပတ်ဝန်းကျင်မှာ မိမိတို့ မြင်ဖူးနေကျ သိပ်မစိမ်းတဲ့ တိရစ္ဆာန်လေးတွေရှိမှာပါ။ ဒါပေမယ့် တချို့အကောင်တွေကိုတော့ ပုံတွေထဲ စာတွေထဲ မြင်မှသာ ဟာခနဲ ဟင်ခနဲ ဖြစ်သွားလောက်အောင် ထူးဆန်းတဲ့အကောင်လေးတွေရှိပါတယ်။ ယင်းတို့အထဲမှ အာဖရိကမှာသာ တွေ့နိုင်တဲ့ ထူးခြားတဲ့ တိရစ္ဆာန် (၅) မျိုးကို ဗဟုသုတအဖြစ်ဖော်ပြပေးလိုက်ပါတယ်နော်။
Greater Kudu
Greater Kudu သတ္တဝါကတော့ တောင်ဆိတ်မျိုးနွယ်ဝင်ဖြစ်ပြီး ဦးချိုအရည်ဆုံးသတ္တဝါဖြစ်ပါတယ်။ တောင်တက် ကျွမ်းကျင်ပြီး ၃၁၅ ကီလိုဂရမ် အထိ အလေးချိန်ရှိတတ်ပါတယ်။ အထီးသတ္တဝါတွေဟာ အမအုပ်စုနဲ့ရောနှောနေလေ့မရှိဘဲ မိတ်လိုက်ချိန်မှသာ ပူးပေါင်းတတ်ပါတယ်။ Greater Kuduအမတွေကတော့ အုပ်စုဖွဲ့နေတတ်ပြီး တစ်အုပ်စုမှာ (၂၅)ကောင်အထိ ရှိတတ်ပါတယ်။
Okapi
Okapi သတ္တဝါကတော့ ရှားပါးလှတဲ့ သစ်ကုလားအုတ်မျိုးနွယ်ဝင် ဖြစ်ပြီး ၎င်းတစ်မျိုးတည်းသာ ကမ္ဘာပေါ်မှာ ရှင်ကျန်ခဲ့ပါတော့တယ်။ အလွန်ရှားပါးပြီးမျိုးသုဉ်းဖို့အန္တရာယ်နဲ့ ရင်ဆိုင်နေရတဲ့ သတ္တဝါဖြစ်ပါတယ်။ အမြင့်မှာ ၈ ပေအထိ ရှိနိုင်ပြီး အလေးချိန်မှာ ၈၀ မှ ၃၁၀ ကီလိုဂရမ်အထိ ရှိနိုင်ပါတယ်။
Shoebill
Shoebill ငှက်ကတော့ အာဖရိကရဲ့ ရှားပါး ငှက်မျိုးဖြစ်ကာ ထူးခြားတဲ့ ငှက်တစ်မျိုးဖြစ်ပြီး ၉ လက်မလောက်အထိ အရှည်ရှိတဲ့နှုတ်သီးကြီးကြောင့် လူတွေရဲ့ စိတ်ဝင်စားချစ်ခင်မှုကို ခံရတဲ့ ငှက်လည်း ဖြစ်ပါတယ်။ရေကြက်မျိုးရင်းဝင် ဖြစ်ပြီး အင်းအိုင်တွေမှာ တွေ့ရလေ့ရှိပါတယ်။ငှက်ကြီးမျိုးဖြစ်ပြီး ၄ ပေအထိ အမြင့်ရှိကာ ၄ မှ ၆ ကီလိုဂရမ် အလေးချိန်ရှိတတ်ပါတယ်။လူတွေကို ရန်ပြုတတ်ပြီး ဖွတ်၊ ကြွက်၊ ရှဥ့်-တို့ကိုလည်း တိုက်ခိုက် စားသောက်လေ့ရှိပါတယ်။
Mantled Guereza
အာဖရိကရဲ့ ရှားပါးမျောက်တစ်မျိုးဖြစ်ကာ အဖြူနဲ့အနက် အမွေးများနဲ့ အလွန်လှပပြီး အမြဲစိမ်းတောတွေရဲ့ သစ်ပင်အုပ်အုပ်တွေမှာ တွေ့ရလေ့ရှိပါတယ်။အုပ်စုလိုက်နေတတ်ပြီး ကောင်ရေ ၃ ကောင်မှ ၁၅ ကောင်အထိ ပါဝင်တတ်ပါတယ်။
Grey Crowned Crane
အလွန်လှပတဲ့ Grey Crowned Crane ငှက်ကတော့ မီးခိုးရောင်လည်ဆံမွေး အပြာရောင်၊ အဖြူရောင်ရောထားတဲ့ ခန္ဓာကိုယ်အမွေးတွေနဲ့အတူ ဦးခေါင်းမှာလည်း ရွှေရောင်အမောက်ပါဝင်လို့ ချစ်စရာကောင်းပါတယ်။ အသိုက်ဖွဲ့နေတတ်ပြီး ရန်သူနဲ နီးတယ်လို့ ပင်ကိုယ်အသိစိတ်က သိတာနဲ့ အသိုက်ချက်ချင်း ပြောင်းတတ်ပါတယ်။အသိုက်တစ်ခုမှာ ဥ ၂လုံးမှ ၅ လုံးအထိ ဥ တတ်ပါတယ်။
Source : Google
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။