နေမကောင်းဖြစ်တဲ့ အချိန်လေးမှာသတိတရလက်ဆောင်ပေးပို့ခဲ့တဲ့ ချစ်သူလေးကြောင့် ကြည်နူးပီတိဖြစ်ခဲ့ရတဲ့ အုပ်စိုးခန့်

နှုတ်ခမ်းနီမလေးတွေရဲ့ တစ်ခဲနက်အားပေးမှုတွေကို အပြည့်အဝရရှိထားသူကတော့ အဆိုတော် အုပ်စိုးခန့်ပဲ ဖြစ်ပါတယ်။ သူဟာ အသက်ငယ်သေးသော်လည်း သူ့ရဲ့အောင်မြင်မှုတွေကတော့ ချီးကျူးစရာပါပဲနော်။ အမြဲတမ်း သွက်သွက်လက်လက်လေးနဲ့ နေတတ်တဲ့ ပုံစံလေးကိုလည်း မိန်းကလေးပရိသတ်များက ကြွေနေရတာပါ။ 

အုပ်အုပ်ဟာ အဆိုဘက်တွင်သာမကပဲ မကြာခင်မှာလည်း ရုပ်ရှင်ဇာတ်ကားတွေ ရိုက်ကူးတော့မှာပဲ ဖြစ်ပါတယ်။ လတ်တလောမှာလည်း သရုပ်ဆောင် နေခြည်ဦးနဲ့အတူ " အိမ်မက်တွေမိုးထားတဲ့ အိမ် " ဆိုတဲ့ ရုပ်သံဇာတ်လမ်းတွဲလေးကိုလည်း ရိုက်ကူးတော့မှာပဲ ဖြစ်ပါတယ်။ အုပ်အုပ်လေးဟာ မိဘတွေကို လုပ်ကျွေးပြုစုနေတဲ့ သားလိမ္မာလေးလည်း ဖြစ်ပါတယ်။  

ပရိသတ်တွေကတော့ သူ့ရဲ့ အချစ်ရေးလေးကို အထူးစိတ်ဝင်စားနေကြတာပဲ ဖြစ်ပါတယ်။ အခုမှာလည်း နေမကောင်းဖြစ်နေတဲ့ အုပ်အုပ်လေးကို ချစ်ရသူလေးက ကိတ်မုန့်လေးပို့ကာ " Get Well Soon " ဆိုပြီး ရေးသားကာ ပေးပို့ခဲ့တာပဲဖြစ်ပါတယ်။ အုပ်စိုးခန့်ရဲ့ Imstagram တွင်လည်း အားဆေးဆိုပြီး ဒီပုံရိပ်လေးကို တင်ထားတာပါ။ ပရိသတ်ကြီးရော အုပ်စိုးခန့်ရဲ့ ချစ်သူဘယ်သူလည်းဆိုတာ သိချင်နေကြပြီမလား...။

Photo - Oak Soe Khant