ဒီတစ်ခါမှာတော့ ဗဟုသုတအနေနဲ့ ဖော်ပြပေးချင်တာကတော့ ကမ်းခြေမှာ အပန်းဖြေရင်း အပျော်တမ်းလှိုင်းစီးသမားတွေ ကြုံတွေ့ခဲ့ရတဲ့ ဘေးဒုက္ခအကြောင်းဖော်ပြပေးချင်ပါတယ်။ ဒါကတော့ အခြားမဟုတ်ပါဘူး။ ငါးမန်းတွေရဲ့ တိုက်ခိုက်မှုပဲ ဖြစ်ပါတယ်။ ဒီလို အဖြစ်မျိုးဟာ ကျွန်တော်တို့နိုင်ငံမှာ အဖြစ်နည်းပေမယ့်လည်း အနောက်နိုင်ငံ အတော်များများမှာတော့ အသားစားငါးမန်းတွေဟာ ကမ်းစပ်နားထိလာပြီး လူတွေကို ပစ်မှတ်ထားတိုက်ခိုက်ကြတာပဲ ဖြစ်ပါတယ်။
ဒီလို တိုက်ခိုက်ခံရမှုတွေ တစ်ခါ နှစ်ခါမကတော့ပဲ နှစ်စဉ်နှစ်တိုင်းလိုလို ခရီးသွားရာသီတွေမှာ ကြုံနေကျအရာတွေလို့တောင် ပြောလို့ရနေပါပြီ။ ဒီလိုတိုက်ခိုက်ခံရတဲ့အခါမှာလည်း အများစုဟာ အသက်ဘေးကနေ လွတ်မြောက်လာခဲ့ပေမယ့်လည်း ပေးဆပ်လိုက်ရတဲ့ တန်ဖိုးကတော့ အတော်လေးကို ကြီးမားလှပါတယ်။ ခန္ဒာကိုယ်တစ်ခုလုံး သေရာပါမယ့် အမာရွတ်ကြီးတွေ ရသွားတဲ့သူလည်း ရှိသလို ကိုယ်လက် အင်္ဂါတစ်ခုခု ငါးမန်းကိုက်လိုက်တဲ့အတွက် ဆုံးရှုံးသွားခဲ့ရသူတွေလည်းရှိပါတယ်။
တချို့ကံမကောင်းတဲ့သူတွေကတော့ ငါးမန်းရဲ့ တိုက်ခိုက်မှုမှာ ကျရှုံးကာ အသက်ပေးသွားရတဲ့သူတွေလည်း ရှိပါတယ်။ ရှေးလူကြီးသူမတွေရဲ့ စကားအရ ငါးမန်းတိုက်ခိုက်ခံရတဲ့ အခါ ကျောခိုင်းပြီး ထွက်မပြေးပဲ ငါးမန်းရဲ့ မျက်လုံးနဲ့ ပါးဟပ်ကို တိုက်ခိုက်သင့်တယ်လို့ ပြောခဲ့ဖူးကြပါတယ်။ အနည်းဆုံးတော့ မိမိကို ချက်ချင်းရန်မမူနိုင်တော့ပဲ နောက်ပြန်ပြေးသွားတတ်လို့လည်း အဆိုရှိပါတယ် ပရိသတ်ကြီးရေ။ ဒါ့ကြောင့် ကမ်းခြေသွားတဲ့အခါ သတိလေးနဲ့ ယှဉ်ပြီး အပန်းဖြေကြပါလို့ အကြံပြုလိုက်ရပါတယ်နော်။
Source : Google
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
