မိမိချစ်ခင်သူတွေနဲ့ အမှတ်တရပေါင်းများစွာကို သော့ခတ်သိမ်းဆည်းထားလို့ရတဲ့ တံတားလေး

ပရိသတ်ကြီးကို ဒီတစ်ခါဖော်ပြပေးချင်တာကတော့ ပြင်သစ်နိုင်ငံရဲ့ သာယာလှပတဲ့ နေများစွာထဲမှာမှ ထူးထူးဆန်းဆန်း အဖြစ်ရှိနေတဲ့ တံတားလေးတစ်စင်းအကြောင်းကို ဖော်ပြပေးချင်ပါတယ်။ ပြင်သစ်နိုင်ငံ ပဲရစ် မြို့တွင် Lock bridge ဆိုတဲ့ တံတားလေး တစ်စင်းရှိပြီး တံတား တစ်ခုလုံး မှာသော့ခလောက်တွေ ချိတ်ထားတာတွေ့ရပါတယ်။ သော့ခလောက်တိုင်းမှာ နာမည်လေးတွေ ရေးထိုးထားကြပြီး

နာမည်လေးတွေကတော့ ချစ်သူ နှစ်ယောက် နာမည် သို့မဟုတ် အချစ်ဆုံး သူငယ်ချင်း နာမည်လေးတွေနဲ့ Signs လေးတွေပါ ရေးထားတတ်ပါတယ်။ ဒီလိုရေးထားတဲ့ သော့ခလောက်တွေကို ကာယကံရှင် တွေကိုယ်တိုင် သော့ခတ်ပြီး သော့ကိုတော့ မြစ်ထဲကို ပစ်ချကြပါတယ်။ တချို့လူတွေပြောကြတာကတော့ တစ်ကယ်လို့ ချစ်သူနှစ်ဦး ဘယ်တော့မှ ပြန်မတွေ့ရတော့ဘူး ဆိုရင်တောင် ဒီသော့လေးတွေ က ဘဝ အတွက် သက်သေ ဖြစ်စရာ လွမ်းမော စရာ အမှတ်ရစရာ ဖြစ်နေအောင် ဖန်တီးကြတယ်လို့ ဆိုပါတယ်။

ဒီနေရာလေးဟာ ပြင်သစ်နိုင်ငံရဲ့ အထင်ကရနေရာတွေထဲက တစ်ခုအပါအဝင်ဖြစ်ပြီး လာရောက်လည်ပတ်တဲ့ နိုင်ငံခြားခရီးသွား ဧည့်သည်များစွာလည်း ရှိပါတယ်။ ဒါ့အပြင် နာမည်ကြီး Romance ဇာတ်ကားတော်တော်များမှာ ဒီတံတာလေးကို နောက်ခံထားပြီး ရိုက်ကူးထားကြတာလည်း ရှိပါသေးတယ်။ အဓိပ္ပါယ်ပေါင်းများစွာနဲ့ တည်ရှိနေတေဲ့ ဒီတံတားလေးကတော့ ချစ်သူတွေ ၊ သူငယ်ချင်းတွေရဲ့ အမှတ်တရတွေကို သော့ခတ်သိမ်းဆည်းထားတဲ့ အမှတ်တရ တံတာလေး အဖြစ် ယနေ့တိုင် တည်ရှိနေတာပဲ ဖြစ်ပါတယ်။

Source : သံဇဉ်မိုးဇတ်