အနုပညာရှင်စစ်စစ်တစ်ယောက်မဟုတ်ပေမယ့် ပရိသတ်တွေရဲ့အချစ်ကိုပိုင်ဆိုင်ထားတဲ့ မိတ်ကပ်ပညာရှင်လင်းလင်းကတော့ သူမရဲ့နယ်ပယ်မှာအောင်မြင်မှုတွေနဲ့ရပ်တည်နေတဲ့သူတစ်ယောက်ဖြစ်ပါတယ်နော်။လင်းလင်းက မကြီးစန်း မထက် ညီညီမောင်တို့နဲ့အရမ်းအတွဲညီပြီး အခုနောက်ပိုင်းမှာ ရုပ်ရှင်ဇာတ်ကားကြီးတွေကိုတောင် အတူတူရိုက်ကူးလာတာဖြစ်ပါတယ်။
လင်းလင်းတို့ပထမဦးဆုံးသရုပ်ဆောင်ထားတဲ့ "ကျားကျားကြိုက်ကြိုက်"ရုပ်ရှင်ဇာတ်ကားကြီးဟာဆိုရင်လည်း ပရိသတ်တွေရဲ့တစ်ခဲနက်အားပေးဝန်းရံမှုတွေကိုရရှိထားပြီး သူမတို့ရဲ့ချစ်စရာအိုင်တင်လေးတွေကိုကြိုက်နှစ်သက်ကြပါတယ်။အခုတစ်ခါမှာလည်း ပရိသတ်တွေမြင်ဖူးနေကျပုံစံနဲ့လုံးဝကွဲထွက်ပြီး အပြင်အဆင်တွေကအစသေသေချာချာလေးပြင်ဆင်ကာ ရုပ်ရှင်ရိုက်ကူးနေကြတာဖြစ်ပါတယ်။
လင်းလင်းရဲ့ဇာတ်ရုပ်ပုံစံလေးဟာဆိုရင် သဘောဖြူမနောဖြူတဲ့အညာသူလေးအသွင်ကိုဆောင်ပြီး အရမ်းချစ်စရာကောင်းနေတာဖြစ်ပါတယ်။လင်းလင်းကတော့ သူမရဲ့ဇာတ်ရုပ်ပုံစံလေးကို"ဒို့တောသူများ စိတ်ထားကောင်းလို့ခင်တတ်မင်တတ်ဖော်ရွေတတ်ပါတယ် ရုပ်လေးကမလှဘူးနော် စိတ်ထားလေးကတော့ဖြူစင်ပါတယ် ချစ်ကြအုံးမလားရှင့်လင်းရဲ့ အမွှာညီမလေးအခုမှပြန်တွေ့လို့ပါ"ဆိုပြီးပုံရိပ်လေးတွေကို မျှဝေလာတာဖြစ်ပါတယ်။
Photo Credit:Lin Linn's Facebook
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။