(၁၀)နှစ်ကျော်ကြာလက်တွဲခဲ့တဲ့ချစ်သူလေးနဲ့ မကြာခင်မှာမင်္ဂလာဆောင်တော့မယ့် အဆိုတော်နိုင်းဝမ်း

နာမည်ကြီးအဆိုတော်တစ်ဦးဖြစ်တဲ့ နိုင်းဝမ်းကတော့ လာမယ့်နှစ်မှာ ချစ်သူနဲ့လက်ထပ်တော့မှာဖြစ်ကြောင်း လူမှုကွန်ယက်စာမျက်နှာကတစ်ဆင့် အားလုံးကိုအသိပေးလိုက်ပြီပဲ ဖြစ်ပါတယ်။ နိုင်းဝမ်းတို့ချစ်သူနှစ်ဦးက (၁၀) နှစ်ကျော်ကြာအောင် သစ္စာမပျက်ဘဲ လက်တွဲလာခဲ့ကြတာ ဖြစ်ပါတယ်။ နှစ်အတော်ကြာအောင် ချစ်ခြင်းမေတ္တာတွေခိုင်မြဲနေတဲ့ နိုင်းဝမ်းတို့စုံတွဲလေးကိုတော့ ပရိသတ်တွေက အားကျနေရတာ ဖြစ်ပါတယ်။

နိုင်းဝမ်းက " အရမ်းလိမ္မာလွန်းတဲ့ ချစ်ဇနီးလောင်းလေးနဲ့ ဟော့ပေါ့အတူစားရင်း နောက်နှစ်ဝါကျွတ် မင်္ဂလာဆောင်အတွက် ရက်ရွေးနေကြပါပြီလို့ ဒါနဲ့လေ မင်္ဂလာဆောင်ဒင်နာမှာ ဗြူးတီးအင်းသည်ပေါ့က ဟော့ပေါ့ဘူဖေးမှာကျွေးပြီး အရက်နဲ့ဘီယာအဝတိုက်လို့ရလားဟင်? " ဆိုပြီး ပထမဆုံးတင်လိုက်တာ ဖြစ်ပါတယ်။ ထို့နောက်မှာတော့ နိုင်းဝမ်းက လာမယ့် (၂၀၂၀)ခုနှစ်၊ အမျိုးသားနေ့မှာလက်ထပ်မှာဖြစ်ကြောင်း အတိအကျကြေညာလိုက်ပါတယ်။

နိုင်းဝမ်းက " မင်္ဂလာဆောင်ပြီးရင် အမျိုးသားဘက်ကပဲ ဆရာကြီးအမြဲဖြစ်နေအောင် ကိုယ့်စိတ်ကူးနဲ့ကိုယ် အခါတော်ပေးပြီး "အမျိုးသားနေ့"ရွေးထားတယ် ရက်ရာဇာလဲဖြစ်၊ နှစ်ယောက်စလုံး ၉ဂဏန်းသမားတွေလဲဖြစ်လို့ ၉ရက်နေ့လေးကလှတယ်..တစ်ခုပဲ ဗုဒ္ဓဟူးညဖြစ်နေပြန်တော့ အမျိုးသားနေ့ပါဆိုမှ Lady Night က ကတ်ကင်းကိုလာဖျက်နေတယ်ကွာ " ဆိုပြီး လူမှုကွန်ယက်မှာရေးသားခဲ့တာ ဖြစ်ပါတယ်။ ကဲ နိုင်းဝမ်းတို့စုံတွဲအတွက် ပရိသတ်တွေကလည်း ဝိုင်းဝန်းဂုဏ်ပြုပေးခဲ့ကြပါဦးနော်။

Photo Credit-Kyaw Zin Latt (Nine One)'s FB