ကျန်းမာရေးကြောင့်မကစားနိုင်တဲ့ ကစားသမားကလွဲရင်အ‌‌ကောင်းဆုံးအနေအထားရှိတဲ့သူတွေကို သုံးသွားမယ်ဆိုတဲ့ရှမ်းအသင်းနည်းပြဦးအောင်နိုင်

၂၀၂၀ ရာသီအကြို လူမှုရေးရန်ပုံငွေ ကွင်းဖွင့်ဖလားအဖြစ် မြန်မာနေရှင်နယ်လိဂ် အမှတ်ပေးချန်ပီယံ ရှမ်းယူနိုက်တက်အသင်းနဲ့ General Aung San Shield ရှုံးထွက်ချန်ပီယံ ရန်ကုန်ယူနိုက်တက်အသင်းတို့ကစားကြမှာဖြစ်ပါတယ်။၂၀၂၀ ရာသီအကြို လူမှုရေးရန်ပုံငွေ ကွင်းဖွင့်ဖလားအဖြစ် ယှဉ်ပြိုင်ကစားမယ့် ဒီပွဲစဉ်ကို ဇန်နဝါရီ ၅ ရက်၊ ညနေ ၃း၃၀ အချိန်၊ YUSC ကွင်းမှာ ကျင်းပပြုလုပ်သွားမှာပါဖြစ်ပါတယ်။

ကျန်းမာရေးကြောင့်မကစားနိုင်တဲ့ ကစားသမားကလွဲရင်၊ကျန်တဲ့ ကစားသမားတွေထဲက အ‌‌ကောင်းဆုံးအနေအထားရှိတဲ့သူတွေကို သုံးသွားမယ်၊အင်အားအပြည့် ကစားမယ်။မြက်ခင်းတုကွင်းဖြစ်လို့ပုံမှန်ကွင်းတွေနဲ့ မတူပေမဲ့ကွာခြားချက် အများကြီး မရှိပါဘူး။အဓိက ကစားသမားတွေအပြောင်းအလဲ မရှိဘူး၊အားဖြည့်ထားတဲ့ နိုင်ငံခြားသားအများစုကလည်းမြန်မာ့ ဘောလုံးလောကနဲ့ရင်းနှီးပြီးသားလူတွေ။မနှစ်က ရထားပြီးသား ပုံစံကောင်းကိုဆက်ထိန်းနိုင်မယ်လို့ ယုံကြည်တယ်။ရာသီအစမှာ တာထွက်ကောင်းဖို့ဒီပွဲကစပြီး အကောင်းဆုံးကစားမှာပါ။

အသင်းခေါင်းဆောင်သီဟစည်သူကတော့ ရာသီအစ ဖွင့်ပွဲဖြစ်လို့အကောင်းဆုံး ကစားသွားမယ်၊ကိုယ့်ညီလေးတွေ လက်တွဲခေါ်မယ်။ပွဲအနေအထားနဲ့ ဂိုးနည်းပြကခွင့်ပြုရင် ကျနော့်ညီတွေကိုဦးစားပေးသွားမှာပါ။အသင်းနိုင်ဖို့ရယ်၊ကစားသမားတွေရဲ့ လက်စွမ်းရယ်၊ဂိုးနည်းပြရဲ့ ခွင့်ပြုချက်ရယ်အကြောင်းပေါင်းစုံဖို့တော့လိုပါတယ်ဆိုပြီးပြေားခဲ့ပါတယ်။

source - Myanmar National League' s facebook