မြန်မာနိုင်ငံဘောလုံးအဖွဲ့ချုပ်၏ ဖိတ်ကြားချက်အရ မြန်မာနိုင်ငံဘောလုံးအဖွဲ့ချုပ် ရွေးကောက်ပွဲကော်မရှင် နှင့်တွေ့ဆုံရန် မြန်မာနိုင်ငံသို့ လာရောက်သည့် အာရှဘောလုံးအဖွဲ့ချုပ် ကိုယ်စားလှယ် Head of MA & Regional Associations (East Asia Unit) ဖြစ်သူ Mr Yousuke သည့် ယနေ့ နံနက်ပိုင်းက ရန်ကုန်မြို့သို့ရောက်ရှိခဲ့ပါတယ်။
ဂျပန်လူမျိုး Mr Yousuke ကို ၂၀၂၀ ဇန်နဝါရီလ ၃၀ တွင် ကျင်းပပြုလုပ်မည့် မြန်မာနိုင်ငံဘောလုံးအဖွဲ့ချုပ် ရွေးကောက်ပွဲကို နိုင်ငံတကာစံချိန် စံညွှန်းများဖြင့် ကိုက်ညီစေရေး နှင့် အာရှဘောလုံးအဖွဲ့ချုပ်၊ ကမ္ဘာ့ဘောလုံးအဖွဲ့ချုပ်တို့မှ သတ်မှတ်ပြဋ္ဌာန်းထားသော ရွေးကောက်ပွဲဆိုင်ရာ နည်းဥပဒေ စည်းမျဉ်းစည်းကမ်းများနှင့် ကိုက်ညီမှုရှိစေရေးအတွက် အကြံပြုဆွေးနွေးရန် ဖိတ်ကြားခဲ့ခြင်းဖြစ်ပါတယ်။မြန်မာနိုင်ငံဘောလုံးအဖွဲ့ချုပ်ရွေးကောက်ပွဲ ကိစ္စရပ်များကို ကူညီပေးရန် လာရောက်ပေးသည့် အာရှဘောလုံးအဖွဲ့ချုပ် ကိုယ်စားလှယ် Mr Yousuke ကို မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်မှ Novotel Yangon Max Hotel တွင် ယနေ့ နေ့လည်ပိုင်းက လက်ခံတွေ့ဆုံခဲ့ပါတယ်။
ထို့နောက် Mr Yousuke သည် နေ့လည် ၃နာရီအချိန်တွင် မြန်မာနိုင်ငံဘောလုံးအဖွဲ့ချုပ် ရွေးကောက်ပွဲကော်မရှင်အဖွဲ့ဝင်များနှင့် တွေ့ဆုံခဲ့ပြီး ရွေးကောက်ပွဲဆိုင်ရာ ကိစ္စရပ်များ၊ရွေးကောက်ပွဲဆိုင်ရာ စည်းမျဉ်းစည်းကမ်းများအပေါ် အပြန်အလှန် သုံးသပ်ကာ အာရှဘောလုံးအဖွဲ့ချုပ် ရွေးကောက်ပွဲ ကျင်းပသည့် ပုံစံအတိုင်း ကျင်းပပြုလုပ်နိုင်ရေးအတွက် Mr Yousuke နှင့် ရွေးကောက်ပွဲကော်မရှင်တို့ အပြန်အလှန် ဆွေးနွေးခဲ့ကြပါတယ်။
source:MFF's facebook
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။