ရာသီခြေစမ်းပွဲ တွင် ရန်ကုန်ယူနိုက်တက်အသင်းနှင့် မြန်မာနေရှင်နယ်လိဂ်- ၂ ကလပ် ဖြစ်တဲ့ ကချင်ယူနိုက်တက်အသင်း တို့ ၂-၂ ဂိုးဖြစ်သရေရလဒ်ထွက်ပေါ်ခဲ့

ယနေ့ညနေက ယှဉ်ပြိုင်ကစားခဲ့သည့် ရန်ကုန်ယူနိုက်တက် (ယူ-၂၁)အသင်းနှင့် မြန်မာနေရှင်နယ်လိဂ်-၂ ကလပ်ဖြစ်သည့် ကချင်ယူနိုက်တက် အသင်းတို့၏ ပွဲစဉ်တွင် ၂-၂ ဂိုးစီဖြင့် သရေရလဒ်ထွက်ပေါ်ခဲ့ပါတယ်။ကချင်အသင်းအတွက် ဦးဆောင်ဂိုးကို နိုက်ဂျီရီးယားတိုက်စစ်မှုး ချီမာ က ၉ မိနစ်တွင် သွင်းယူနိုင်ခဲ့ပြီး ဒုတိယဦးဆောင်ဂိုးကို ဝေလု က ၁၀ မိနစ်အကြာတွင် ထပ်မံသွင်းယူပေးနိုင်ခဲ့ပါတယ်။

ရန်ကုန်အသင်းအတွက် ပထမချေပဂိုးကို ကျော်စည်သူဟိန်း က သွင်းယူပေးခဲ့ပြီး ပထမပိုင်းပြီးဆုံးချိန်တွင် ကချင်ယူနိုက်တက်အသင်း က ၂-၁ ဂိုးဖြင့် ဦးဆောင်နေခဲ့ပါတယ်။ဒုတိယပိုင်းတွင် ရန်ကုန်အသင်း လူစားလဲမှုများပြုလုပ်ခဲ့ပြီး မြတ်မင်းခိုင် က ဂိုးသမား ညာထောင့်ထဲသို့ အပိုင်သွင်းယူနိုင်ခဲ့ရာ ပွဲပြီးဆုံးချိန်တွင် ရန်ကုန်ယူနိုက်တက် (ယူ-၂၁) အသင်းနှင့် ကချင်ယူနိုက်တက် အသင်းတို့ ၂-၂ ဂိုးစီဖြင့် သရေရလဒ် ထွက်ပေါ်ခဲ့ပါတယ်။

ရန်ကုန်ယူနိုက်တက်အသင်း ယခုပွဲအပါအဝင် ခြေစမ်းပွဲ လေးပွဲ ယှဉ်ပြိုင်ကစားခဲ့ရာ ပြီးခဲ့သည့် MFF Youth အသင်းကို ၁-၀ ဂိုး၊ ဧရာဝတီယူနိုက်တက် (ယူ-၂၁) အသင်းကို ၂-၁ ဂိုးဖြင့် အနိုင်ရရှိထားပြီး ဆောက်သမ်းမြန်မာ (ယူ-၂၁) အသင်းကို ၁-၀ ဂိုးဖြင့် ရှုံးနိမ့်ခဲ့ပါတယ်။ကဲ့ချစ်ပရိသတ်ကြီးရေ ယခုမှာဆိုရင်တော့ ရန်ကုန်ယူနိက်တက်ယူ-၂၁အသင်းနှင့် မြန်မာနေရှင်နယ်လိဂ်-၂ကလပ်ဖြစ်တဲ့ ကချင်ယူနိုက်ယူနိုက်တက်အသင်းတို့ရဲ့ ပွဲစဉ်ကိုတင်ပြရင်း ပြန်လည်ဖော်ပြပေးလိုက်ပါတယ်။

Photo Credit - Yangon United FC

Source - Yangon United FC