သရုပ်ဆောင် မင်းသားချော နေမင်းနဲ့ သရုပ်ဆောင်မင်းသမီးချော အေးမြတ်သူတို့ကတော့ အနုပညာလောကမှာ အောင်မြင်မှုတွေကိုယ်စီ ရရှိထားကြတာ ဖြစ်ပါတယ်။ တစ်ချိန်က အနုပညာလှုပ်ရှားမှုတွေကို အတူတွဲဖက်လုပ်ကိုင်ခဲ့ကြတဲ့ နေမင်းနဲ့ အေးမြတ်သူတို့က အတွဲညီတဲ့အနုပညာမောင်နှမတွေပဲ ဖြစ်ကြပါတယ်။ ဒါ့အပြင် သူတို့နှစ်ယောက်က အပြင်မှာလည်း တကယ့်ကိုခင်မင်ရင်းနှီးကြတဲ့ သူငယ်ချင်းတွေလည်း ဖြစ်ကြပါသေးတယ်။
လက်ရှိမှာတော့ နေမင်းကလည်း အနုပညာလှုပ်ရှားမှုတွေကို ဆက်လက်လုပ်ကိုင်နေသလို အေးမြတ်သူကလည်း ဇာတ်ကားတွေနဲ့ ကြော်ငြာတွေရိုက်ကူးနေရပါတယ်။ အခုတော့ နေမင်းက ချစ်သူငယ်ချင်း အေးမြတ်သူနဲ့ဆုံတုန်းမှာ အမှတ်တရပုံလေးတွေရိုက်ကူးပြီး ပရိသတ်တွေအတွက် မျှဝေပေးထားပါတယ်။ စကားတပြောပြောနဲ့ ရယ်မောပျော်ရွှင်နေတဲ့ နေမင်းတို့သူငယ်ချင်းနှစ်ယောက်ကတော့ အရမ်းချစ်ဖို့ကောင်းနေတာ ဖြစ်ပါတယ်။
နေမင်းက '' #ငယ်ကချစ်...အနှစ်တစ်ရာမမေ့သာ....ငယ်တုန်းကရန်အမြဲဖြစ်နေကြတဲ့တို့၂ယောက်... ခုတော့လည်း လူပျိုကြီး/အပျိုကြီးတွေဖြစ်နေကြပြီကွယ် '' ဆိုတဲ့စာသားလေးနဲ့အတူ ပုံလေးတွေကို တင်ထားတာဖြစ်ပါတယ်။ ပျော်ပျော်နေတတ်တဲ့ နေမင်းတို့သူငယ်ချင်းနှစ်ယောက်ကတော့ တကယ့်ကိုချစ်ချစ်ခင်ခင်နဲ့ မြင်တွေ့ရတာ ဖြစ်ပါတယ်။ ကဲ ချစ်ပရိသတ်တွေအတွက် နေမင်းနဲ့ အေးမြတ်သူတို့သူငယ်ချင်းနှစ်ယောက်ရဲ့အမှတ်တရပုံလေးတွေကို ပြန်လည်မျှဝေပေးလိုက်ပါတယ်နော်။
Source: Nay Min's Facebook Acc
Photo Credit- Amazing Grace
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။