မင်းမော်ကွန်းရဲ့မွေးနေ့ကိုအမှတ်တရပုံရိပ်လေးတွေနဲ့ ဆုတောင်းပေးထားတဲ့ နှင်းဆီအဖွဲ့သားများ

သရုပ်ဆောင်လောကမှာပရိသတ်တွေတစ်ခဲနက်အားပေးနေရုံသာမက အနုပညာရှင်အချင်းချင်းကတောင်ချီးကျူးနေရတာကတော့ သရုပ်ဆောင် မင်းမော်ကွန်းပါ ။သူ့ရဲ့အကောင်းဆုံးပီပြင်တဲ့သရုပ်ဆောင်မှုတွေကြောင့် အကယ်ဒမီဆုတွေကိုပါသိမ်းပိုက်နိုင်တဲ့မင်းသားတစ်လက်ပါ။ အနုပညာအလုပ်တွေမှာအောင်မြင်နာမည်ကျော်ကြားနေပေမယ့်လည်း မာနမထားပဲဖြူစင်ရိုးသားတဲ့စိတ်ဓာတ်လေးတွေကြောင့် တစ်နိုင်ငံလုံးကပရိသတ်တွေရဲ့အချစ်တော်တစ်ယောက်ဖြစ်နေရတာပါ။

သူကတော့လက်ရှိမှာလည်းရုပ်ရှင်ဇာတ်ကားကြီးတွေကို မနားတမ်းရိုက်ကူးနေတာဖြစ်ပြီးသူ့ဇာတ်ကားကြီးတွေတိုင်း ကိုပရိသတ်တွေစောင့်မျှော်နေကြတာပါ။သူ့ဇာတ်ကားတိုင်းကလည်းကြည့်နေတဲ့ပရိသတ်ကို အပြင်မှာဖြစ်နေတဲ့အတိုင်းသဘာဝကျကျသရုပ်ဆောင်ပြနိုင်တဲ့သရုပ်ဆောင်ကောင်းတစ်ယောက်ပါ။ ဒါ့အပြင် သာယာပျော်ရွှင်စရာကောင်းတဲ့ မိသားစုဘဝလေးကို ရရှိထားတာပါ။ ပရိသတ်တွေကလည်း သူတို့ရဲ့မိသားစုလေးကို ချစ်ခင်အားကျနေကြတာပဲ ဖြစ်ပါတယ်။  

ဒီနေ့လေးကတော့ သရုပ်ဆောင် မင်းမော်ကွန်းရဲ့ မွေးနေ့ရက်မြတ်လေးပဲ ဖြစ်ပါတယ်။ သူ့ရဲ့ မွေးနေ့လေးကိုတော့ ချစ်ရတဲ့ အနုပညာညီအစ်ကိုတွေဖြစ်ကြတဲ့ နေတိုး၊ကျော်ကျော်ဗိုလ်၊ထွန်းထွန်း၊ရဲလေးတို့က အမှတ်တရပုံရိပ်လေးတွေနဲ့ မွေးနေ့ဆုတောင်းပေးထားတာပဲ ဖြစ်ပါတယ်။ ပရိသတ်တွေအတွက် ဒီအမှတ်တရ ပုံရိပ်လေးတွေကို တင်ဆက်ပေးလိုက် ရပါတယ်နော်။

Source and Photo Credit - နှင်းဆီရင်ခွင်လူမှုကူညီရေးဖောင်ဒေးရှင်း Facebook Page and Snipeer of Photography