ရွှေသောင်ယံကမ်းခြေမှာ စက်လှေစီးရင်းပျော်ရွှင်နေတဲ့မင်းသမီးချောလေးပိုးကြာဖြူခင်

ဆိုင်းမိုင်လို့လူသိများကြတဲ့ Mrtv-4ရဲ့မင်းသမီးချောလေး ပိုးကြာဖြူခင်ကိုပရိတ်သတ်ကြီးအားလုံးသိကြမယ်ထင်ပါတယ်နော်။ သူမဟာမော်ဒယ်တစ်ယောက်အနေနဲ့ အနုပညာလောကထဲစတင်ဝင်ရောက်လာပြီး photo shootingများ၊ကြော်ငြာများရိုက်ကူးရင်းကနေ Mrtv-4နဲ့လက်တွဲပြီး သရုပ်ဆောင်ဘက်ကို ခြေလှမ်းသစ်စတင်ခဲ့တာဖြစ်ပါတယ်။ ပိုးကြာဖြူခင်ဟာ ပီပြင်စွာသရုပ်ဆောင်နိုင်မှုတွေနဲ့ သဘာဝကျတဲ့သရုပ်ဆောင်ချက်တွေကြောင့် ယခုဆိုရင်ပရိတ်သတ်အားပေးလက်ခံတဲ့ မင်းသမီးချောလေးတစ်ယောက်ဖြစ်နေပြီဖြစ်ပါတယ်။

မကြာသေးမီက ပိုးကြာဖြူခင်ဟာသူမရဲ့facebookစာမျက်နှာတွင် "မင်းက ညှို့တတ်သောပင်လယ် ဆိုရင် ကိုယ်က ဆွဲငင်သောလမင်း ကိုယ်တို့ ၂ ယောက်တွေ့ကြတဲ့အခါ ဘာတွေ ဆက်ဖြစ်လာမလဲ ဖြေကြည့်"ဆိုတဲ့ captionလေးနဲ့ပုံလေးတွေတင်ပေးလာပါတယ်။ သူမဟာရွှေသောင်ယံကိုရောက်ရှိနေတာဖြစ်ပြီး သာယာလှပတဲ့ပင်လယ်ကြီးထဲမှာ စက်လှေစီးရင်းပျော်ရွှင်နေတာဖြစ်ပါတယ်။ ပိုးကြာဖြူခင်ဟာ နယ်ရှိုးတွေသွားရောက်ဖျော်ဖြေလေ့ရှိသူတစ်ယောက်ဖြစ်တဲ့အတွက် မကြာခဏဆိုသလို ခရီးတွေသွားဖြစ်နေတာဖြစ်ပါတယ်နော်။

ပိုးကြာဖြူခင်ဟာလတ်တလောတွင်ပွဲအခမ်းအနားများတက်ရောက်နေပြီး ခရီးတွေဆက်တိုက်ဆိုသလို သွားဖြစ်နေတာပါနော်။ ဒါ့ပြင်သူမဟာ နောက်ထပ်ဇာတ်လမ်းတွဲတွေအတွက်လည်း အကောင်းဆုံးပြင်ဆင်နေတာဖြစ်ပါတယ်။ ပရိတ်သတ်ကြီးရောပိုးကြာဖြူခင်ကိုအားပေးကြမယ်မလား။ စက်လှေစီးရင်းပျော်ရွှင်နေတဲ့ ပိုးကြာဖြူခင်ရဲ့ပုံရိပ်တွေကိုပရိတ်သတ်တွေအတွက်မျှဝေပေးလိုက်ပါတယ်နော်။

Source-Poe Kyar Phyu Khin's Facebook acc

Photo Credit-Poe Kyar Phyu Khin's Facebook acc