အားပေးနေမည့် ပရိသတ်များအတွက် အကောင်းဆုံးရလဒ်ရရှိအောင် စွမ်းဆောင်သွားမယ်ဆိုတဲ့ ရန်ကုန်ကွင်းလယ်လူ မောင်မောင်လွင်

ရန်ကုန်ယူနိုက်တက်အသင်း ကွင်းလယ်လူ မောင်မောင်လွင် က အားပေးနေမည့် ပရိသတ်များအတွက် အကောင်းဆုံးရလဒ်ရရှိအောင် စွမ်းဆောင်သွားမည် ဟု ဧရာဝတီယူနိုက်တက်အသင်းနှင့် ပွဲမတိုင်မီတွင် ပြောကြားခဲ့ပါတယ် ။ရန်ကုန်ယူနိုက်တက်အသင်းဟာ ပွဲစဉ်-၉ အဖြစ် ဧရာဝတီယူနိုက်တက်အသင်း နှင့် မတ်လ ၇ ရက်နေ့၊ ညနေ ၃း၃၀ နာရီ၊ ပုသိမ်မြို့၊ ကျောက်တိုင်ကွင်းတွင် ယှဉ်ပြိုင်ကစားမည် ဖြစ်ပါတယ် ။

“လာမယ့် ပွဲက နှစ်သင်းစလုံးအတွက်ကတော့ ခက်ခဲမယ့် ပွဲဖြစ်လာမှာပါ။ သူတို့အသင်းကို ဘယ်လိုပုံစံနဲ့ ယှဉ်ပြိုင်သွားမလဲဆိုတာကတော့ လာမယ့် စနေနေ့ပွဲမှာစောင့်ကြည့်ကြဖို့ ပြောချင်ပါတယ် ကျွန်တော်တို့အသင်းက ချန်ပီယံဖြစ်ဖို့အတွက် ဦးတည်ပြီးသွားနေတဲ့အတွက် ဒီပွဲကို မဖြစ်မနေနိုင်မှရပါမယ်။ မဖြစ်မနေအနိုင်ရဖို့ဆိုတာထက် လုံးဝမရှုံးဖို့က ပိုအရေးကြီးပါတယ်။ ဘာဖြစ်လို့လဲဆိုတော့ ကျွန်တော်တို့ ရှုံးသွားရင် အဆင့် ၃ ကို ရောက်သွားနိုင်တယ်။ သရေဆိုရင်တောင် ဂိုးကွာခြားချက်နဲ့ အဆင့် ၂ မှာရပ်တည်နိုင်မှာဖြစ်ပါတယ်။ ဒါကြောင့် နည်းပြအဖွဲ့တွေရော ကျွန်တော်တို့ကစားသမားတွေပါအကောင်းဆုံး ရင်ဆိုင်ယှဉ်ပြိုင်နိုင်ဖို့ ပြင်ဆင်ထားကြပါတယ် " လို့ ပြောကြားခဲ့သည်။

ရန်ကုန်ယူနိုက်တက်အသင်း နှင့် ဧရာဝတီယူနိုက်တက်အသင်းတို့၏ ယခင်နှစ်တွေ့ဆုံမှုတွင် ရန်ကုန်အသင်းက ၁ ပွဲသရေ၊ ၁ ပွဲရှုံးရလဒ်ရရှိထားခဲ့ပါတယ် ။ရန်ကုန်ယူနိုက်တက်အသင်းဟာ ၈ ပွဲယှဉ်ပြိုင်ကစားပြီးချိန်တွင် ၆ ပွဲနိုင်၊ ၂ ပွဲသရေ၊ ရမှတ် ၂၀ မှတ် ဖြင့် အဆင့် ၂ နေရာတွင်ရောက်ရှိနေပြီး ဧရာဝတီယူနိုက်တက်အသင်းသည် ၆ ပွဲနိုင်၊ ၂ ပွဲသရေ၊ ရမှတ် ၂၀ မှတ်ဖြင့် အဆင့် ၃ နေရာတွင် ရပ်တည်လျက်ရှိပါတယ် ။

source - Yangon United Football Club Facebook Page