ဖိလစ်ပိုင်နိုင်ငံက အိမ်ရှင်အဖြစ် လက်ခံကျင်းပနေသည့် အကြိမ် ၃၀ မြောက် အရှေ့တောင်အာရှ အားကစားပြိုင်ပွဲ (ဆီးဂိမ်းစ်)၊ အမျိုးသား ဘောလုံးပြိုင်ပွဲတွင် မြန်မာလက်ရွေးစင်ယူ-၂၂ အသင်းဟာ တတိယနေရာရရှိအောင် စွမ်းဆောင်ပေးနိုင်ပြီး ခြေစွမ်းကောင်းမွန်တာကြောင့် ပရိသတ်တွေရဲ့ ချီးကျူးမှုကိုလည်း ရရှိခဲ့ပါတယ်။ အဆိုပါပြိုင်ပွဲကနေ ခြေစွမ်းခြေစရှိတဲ့ လူငယ်ကစားသမားတွေများစွာပေါ်ထွက်ခဲ့ပြီး မြန်မာလက်ရွေးစင်ယူ၂၂အသင်းက အောင်ကောင်းမာန်လည်းတစ်ယောက်အပါအဝင်ဖြစ်ပါတယ်။
အောင်ကောင်းမာန်ကတော့ အကြိမ် ၃၀ မြောက် အရှေ့တောင်အာရှ အားကစားပြိုင်ပွဲ (ဆီးဂိမ်းစ်)၊ အမျိုးသား ဘောလုံးပြိုင်ပွဲမှာ ခြေစွမ်းကောင်းတွေပြသထားနိုင်ခဲ့ပြီး ပရိသတ်တွေရဲ့ ချီးကျူးမှုကို ရရှိခဲ့သူဖြစ်ပါတယ်။ အဆိုပါပြိုင်ပွဲအပြီးမှာတော့ ခြေစွမ်းကောင်းလွန်းတဲ့ အောင်ကောင်းမာန်ကို ပြည်ပကလပ်တွေစိတ်ဝင်စားလာခဲ့တာပဲဖြစ်ပါတယ်။ ယခုမှာတော့ အောင်ကောင်းမာန်ဟာ ထိုင်းကလပ် ထရတ် ( Trat FC )အသင်းမှာ ကစားလျက်ရှိနေပြီး ပုံမှန်ပွဲထွက်ခွင့်ရရှိထားသူဖြစ်ပါတယ်။
ယခုမှာ Covid 19ကြောင့် ဘောလုံးပွဲတွေရပ်နားထားခဲ့တာပဲဖြစ်ပြီး အောင်ကောင်းမာန်ကတော့ ဘောလုံးပွဲတွေပြန်ကစားချင်တဲ့အကြောင်း ပရိသတ်တွေထံ ပြောပြလာခဲ့ပါတယ်။ အောင်ကောင်းမာန်ကတော့ " ဘောလုံးပွဲတွေ ပြန်ကစားချင်နေပါပြီ။တကယ်လို့ ဘောလုံးက ဆိုးရွားတဲ့အချိန်တွေကို ဖြတ်သန်းနေကြရတဲ့ လူတွေရဲ့အာရုံကို လွှဲပေးနိုင်မယ်ဆိုရင် ကျွန်တော်တို့က ပိုပြီးပျော်မိမှာပါ "ဆိုပြီး လူမှုကွန်ယက်ထက်မှာရေးသားထားခဲ့ပါတယ်။
Source : Aung Kaung Mann ' s Facebook Acc
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။