ဘောလုံးပွဲတွေပြန်လည်ကစားဖို့အတွက် ကြံခိုင်မှုအားကောင်းအောင် တစ်ဦးတည်းလေ့ကျင့်ခန်းတွေပြုလုပ်နေခဲ့တဲ့ တိုက်စစ်မှူးမက်ဆီ

ဘာစီလိုနာအသင်းရဲ့ အဓိကတိုက်စစ်မှုးမက်ဆီကတော့ ဘောလုံးလောကရဲ့မှော်ဆရာအဖြစ်ပရိသတ်တွေက တင်စားထားကြပြီး ဘောလုံးစကေးအကျွမ်းကျင်ဆုံးသမားတစ်ယောက်ပဲဖြစ်ပါတယ်။ တစ်ဦးချင်းဆုတံဆိပ်ပေါင်းများစွာကိုလည်း ရရှိပိုင်ဆိုင်ထားတဲ့ မက်ဆီကတော့ မိခင်ဘာစီလိုနာအသင်းနဲ့အတူ ချန်ပီယံလိဒ်ဆုပေါင်းများစွာအပြင် စပိန်လာလီဂါဆုဖလားတွေကိုလည်း သိမ်းပိုက်ထားနိုင်ခဲ့တဲ့ အားကစားသမားတစ်ယောက်ပဲဖြစ်ပါတယ်။ 

ကစားသမားဘဝကို ဘာစီလိုနာအသင်းနဲ့ စတင်ခဲ့ပြီး အောင်မြင်မှုတွေရရှိခဲ့ကာနေ့အချိန်ထိ မိခင်ဘာစီလိုနာအသင်းမှာ ကစားနေတဲ့ မက်ဆီကတော့ ဘာစီလိုနာအသင်းရဲ့ အသင်းခေါင်းဆောင်တာဝန်ကိုလည်းရယူထားကာ အသင်းကိုဦးဆောင်လျက်ရှိနေပါတယ်။ Covid 19ရောဂါကြောင့် ဘောလုံးပြိုင်ပွဲတွေရပ်နားထားခဲ့ရတာပဲဖြစ်ပြီး ယခုမှာတော့ အ​ခြေအနေပြန်လည်ကောင်းမွန်လာကြပြီဖြစ်တာကြောင့် ဘောလုံးပြိုင်ပွဲတွေစတင်ဖို့အတွက် ဆွေးနွေးလျက်ရှိနေကြပါတယ်။ 

ကစားသမားတွေကိုယ်စီက မိခင်နိုင်ငံတွေဆီကနေ အသင်းနဲ့ ပြန်လည်ပူးပေါင်းနေကြကာ ဘွန်ဒက်လီဂါပြိုင်ပွဲတွေကတော့ ပြန်လည်စတင်နေပြီဖြစ်ပါတယ်။ ယခုမှာတော့ မက်ဆီတစ်ယောက် ဘောလုံးပွဲတွေပြန်လည်ကစားဖို့အတွက် ကြံခိုင်မှုအားကောင်းအောင် တစ်ဦးတည်းလေ့ကျင့်ခန်းတွေပြုလုပ်နေခဲ့တာပဲဖြစ်ပါတယ်။ ဘောလုံးဝါသနာရှင်ပရိသတ်တွေအတွက် မက်ဆီရဲ့ တစ်ယောက်တည်းလေ့ကျင့်ခန်းဆင်းနေတဲ့ ပုံရိပ်လေးတွေကို ပြန်လည်ဖော်ပြပေးလိုက်ပါတယ်။ 

SOURCE  : LEO MESSI ' S IG ACC