အရမ်းလှနေဆဲဖြစ်တဲ့ အကယ်ဒမီဝါဝါ၀င်းရွှေကို သွားရောက်ဂါရဝပြုခဲ့တဲ့ စင်ရော်မောင်မောင်၊မင်းသန့်နဲ့ မေသန်းနုတို့မိသားစု

ပြည်သူချစ်အနုပညာရှင်တစ်ယောက်ဖြစ်တဲ့ အကယ်ဒမီမေသန်းနုကတော့ အခုချိန်မှာဆိုရင် အားကိုးရတဲ့သားလေးနဲ့အတူ အေးချမ်းပျော်ရွှင်စွာနေထိုင်နေတာပဲဖြစ်ပါတယ်။အနုပညာအလုပ်တွေကိုလည်း ဖြည်းဖြည်းမှန်မှန်လုပ်ဆောင်နေတာဖြစ်ပြီး ပရိသတ်တွေကတော့ မဆင့်ကို ဝန်းရံအားပေးကြပါတယ်နော်။မင်းသန့်မောင်မောင်ကလည်း မိခင်ဖြစ်သူကို မျက်စိအောက်ကအပျောက်မခံဘဲ သေချာဂရုစိုက်စောင့်ရှောက်ပေးတဲ့ သားလိမ္မာလေးဖြစ်ပါတယ်။

မင်းသန့်မောင်မောင်က အမေကိုအရမ်းချစ်တဲ့သားလေးဖြစ်ပြီး မိခင်ကိုလည်း အမြဲစိတ်ချမ်းသာအောင်ထားပေးပါတယ်။အနုပညာအလုပ်တွေကိုကြိုးစားလုပ်ကိုင်နေပြီဖြစ်တဲ့ မင်းသန့်က ဖေဖေ့ရဲ့အနုပညာအမွေတွေကို ဆက်ခံထားတာပါနော်။ပရိသတ်တွေကလည်း မင်းသန့်နဲ့စင်ရော်မောင်မောင်တို့ သားအဖနှစ်ယောက် ဖန်တီးကြတဲ့ အနုပညာတွေကို အားပေးကြပြီး သူတို့မိသားစုလေးရဲ့ကြည်နူးစရာပုံရိပ်လေးတွေကို အမြဲစောင့်ကြည့်နေကြတာဖြစ်ပါတယ်။

မနေ့ကဆိုရင်လည်း စင်ရော်မောင်မောင်တို့သားအဖနှစ်ယောက်က မဆင့်၊ဝါဝါ၀င်းရွှေ၊ရန်အောင်တို့နဲ့အတူ ရှုတင်လေးတစ်ခုရိုက်ကြပြီး အနုပညာမောင်နှမတွေက ချစ်ခင်နေကြတာဖြစ်ပါတယ်။မေသန်းနု၊မင်းသန့်နဲ့ စင်ရော်မောင်မောင်တို့ သုံးယောက်ကတော့ ထပ်ဆင့်အကယ်ဒမီသရုပ်ဆောင်၊ဒါရိုက်တာ ဝါဝါ၀င်းရွှေကို သွားရောက်ဂါရဝပြုခဲ့တာဖြစ်ပါတယ်။ဝါဝါ၀င်းရွှေကလည်း ယနေ့ထိတိုင် လှပနုပျိုပြီး အရွယ်တင်နေတဲ့ ပုံလေးကို ချစ်ပရိသတ်ကြီးအတွက် ပြန်လည်မျှဝေပေးလိုက်ပါရစေနော်။

Source&Photo Creidt:Min Thant Mg Mg's Facebook Account