သရုပ်ဆောင် ၊အဆိုတော် ဆန်းသစ်လကတော့ သူမနဲ့တူတဲ့ သမီးချောလေးကို မကြာသေးမီအချိန်ကမှ မွေးဖွားထားတာဖြစ်ပြီး အနုပညာအလုပ်တွေကို ခေတ္တရပ်နားထားတာကို တွေ့ရပါတယ်။ သူမရဲ့ ခင်ပွန်းဖြစ်သူကလည်း အလိုလိုက်ကြင်နာပြီး ဂရုစိုက်တတ်သူဖြစ်တာကြောင့် ဆန်းသစ်လကို မိန်းကလေးပရိသတ်တွေက အားကျ အချစ်ပိုနေတာပါ။ ဆန်းသစ်လကလည်း မိသားစုအတူ ကြည်ကြည်နူးနူးပုံရိပ်ကို ဆိုရှယ်မီဒီယာထက်မှာ မကြာခဏဆိုသလို တင်ပေးလေ့ရှိသူလည်း ဖြစ်ပါတယ်။
ယနေ့မှာလည်း ဆန်းသစ်လက မျက်နှာထက်မှာ ဝမ်းသာပျော်ရွှင်မှုတွေအပြည့်နဲ့ ပြီးပြည့်စုံတဲ့ မိသားစုလေးကို ပိုင်ဆိုင်ခွင့်ရလို့ အင်မတန်ကို ပျော်ရွှင်နေတာပဲ ဖြစ်ပါတယ်။ မိသားစုပုံရိပ်လေးတွေကို တင်ပေးလာရင်း ခင်ပွန်းဖြစ်သူရဲ့ မွေးနေ့ကိုလည်း ဆုတောင်းစကားလေးရေးပေးထားပါသေးတယ်။ " Happy Birthday a chit ya sone Ko မိန်းမ နဲ့ သမီးလေးအတွက် ခင်ပွန်းကောင်း ဖခင်ကောင်းအဖြစ်ရှိပေးပြီး ချစ်ပေးဂရုစိုက်ပေး တာဝန်ကျေပေးလွန်းတဲ့ကို
ကို့ရည်ရွယ်ချက် အိပ်မက်တွေ အမြန်ဆုံးအကောင်အထည်ဖော် အောင်မြင်ပါစေ ကျန်းကျန်းမာမာနဲ့ ကိုချစ်တဲ့ကို့ဝါသနာလေးတွေနဲ့အတူ အမြဲပျော်ရွှင်ပါစေ မိန်းမနဲ့သမီးလေးအနားမှာလည်း အမြဲအတူရှိပေးနိုင်ပါစေနော် အရမ်းချစ်တယ်ကိုရေ ဒီနှစ်အတွက်မွေးနေ့လက်ဆောင်လေးကိုတော့ ကိုနဲ့ မွေးနံရော မွေးရက်ရောတူတဲ့ ချစ်စရာသမီးလေးကိုပဲ လက်ဆောင်ပေးလိုက်ပြီနော် " ဆိုပြီးဖတ်မိသူတိုင်း ကြည်နူးပီတိဖြစ်ရလောက်အောင် ရေးသားထားတာကြောင့် ပြန်လည်တင်ဆက်ပေးလိုက်ပါတယ်နော်.....။
Source & Photo credit - San Thit La's Fb Account
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။