အိမ်ထဲမှာနေရလို့ စိတ်ညစ်သမျှကိုဖွင့်ထုတ်နေတဲ့အဘွားဖြစ်သူကို အမိအရဗီဒီယိုရိုက်ကာ သဘောကျရယ်မောနေတဲ့ ဇေရဲထက်

မင်းသားချောလေး ဇေရဲထက်ကတော့ ကိုရီးယားမင်းသားလေးလို ချောမောခန့်ညားလွန်းတာကြောင့် မိန်းကလေးပရိသတ်တွေက အပြတ်အသတ်ကြွေနေရတာ ဖြစ်ပါတယ် ။ အနုပညာအလုပ်တွေကို ရပ်နားထားခဲ့တာ အချိန်အတော်ကြာရှိနေပြီဖြစ်တဲ့ ဇေရဲထက်က ပရိသတ်တွေရဲ့ချစ်ခင်အားပေးမှုကိုတော့ ဆက်လက်ရရှိနေဆဲ ဖြစ်ပါတယ် ။ ဇေရဲထက်က သူ့ရဲ့လှုပ်ရှားမှုတွေကို လူမှုကွန်ယက်ကတစ်ဆင့် အဆက်မပြတ် မျှဝေပေးနေတာလည်း ဖြစ်ပါတယ် ။

လတ်တလောမှာတော့ ဇေရဲထက်က အိမ်မှာပဲ အဘွားဖြစ်သူနဲ့အတူ အေးချမ်းပျော်ရွှင်စွာ နေထိုင်နေတာ ဖြစ်ပါတယ် ။ မြေးလိမ္မာလေးဖြစ်တဲ့ ဇေရဲထက်က သူ့ရဲ့အဘွားအပေါ်မှာ အမြဲတမ်းဂရုတစိုက်နဲ့ ချစ်ပေးနေတာ ဖြစ်ပါတယ် ။ အခုလည်း ဇေရဲထက်တစ်ယောက် အိမ်မှာနေရင်း ချစ်စရာကောင်းတဲ့ အဘွားဖြစ်သူရဲ့အမူအရာလေးတွေကိုကြည့်ကာ ရယ်မောပျော်ရွှင်နေရတာပဲ ဖြစ်ပါတယ် ။

ဇေရဲထက်က "အိမ်ထဲနေပြီး စိတ်တွေပိန်လို့တဲ့ နေပြည်တော်ပြန်ရင်လည်း (၁၄)ရက်တဲ့ Qက ဟိုတယ်ကသရဲခြောက်မှာကြောက်လို့တဲ့ အဲ့လိုပဲဆိုနေတော့တယ် ကြာရင်အဘွားလည်း အရူးထောင်ရောက်တော့မယ်တူ" ဆိုပြီး အဘွားရဲ့ဗီဒီယိုလေးကို တင်ထားတာ ဖြစ်ပါတယ် ။ အိမ်ထဲမှာနေနေရလို့ စိတ်ညစ်သမျှကို ဖွင့်ထုတ်နေတဲ့အဘွားဖြစ်သူကို ဇေရဲထက်က ဗီဒီယိုလေးရိုက်ကာ သဘောကျနေတာပဲ ဖြစ်ပါတယ် ။ ကဲ ချစ်ပရိသတ်တွေအတွက် ဇေရဲထက်ကိုယ်တိုင်ရိုက်ကူးထားတဲ့ အဘွားဖြစ်သူရဲ့ဗီဒီယိုလေးကို အောက်မှာ ပြန်လည်မျှဝေပေးလိုက်ပါတယ်နော် ။

Source & Video Credit-Zay Ye Htet's FB Acc