မျက်နှာပေါက်ချင်း ချွတ်စွပ်တူနေကြပြီး နွေးထွေးတဲ့မေတ္တာတွေနဲ့ အရာရာပြီးပြည့်စုံကာ အားကျချင်စရာကောင်းနေတဲ့ အာဘွိုင်းတို့မိသားစုလေး

တေးရေး၊တေးဆိုတစ်ဦးဖြစ်တဲ့ အာဘွိုင်းကတော့ လူငယ်ပရိသတ်တွေကြားမှာ ရေပန်းစားအောင်မြင်နေတာ ဖြစ်ပါတယ် ။ အထူးသဖြင့် ပရိသတ်တွေရဲ့ခံစားချက်နဲ့ ထပ်တူကျစေနိုင်တဲ့ အာဘွိုင်းရဲ့သီချင်းလေးတွေက အရမ်းကိုလူကြိုက်များနေတာလည်း ဖြစ်ပါတယ် ။ အာဘွိုင်းအနေနဲ့ ဂီတလမ်းကြောင်းပေါ်မှာ ဆက်လက်လျှောက်လှမ်းနေသလို ချစ်ရတဲ့မိသားစုလေးကိုလည်း တာဝန်ကျေပွန်စွာ စောင့်ရှောက်နေတာ ဖြစ်ပါတယ် ။

အာဘွိုင်းက ချောမောလှပတဲ့ ဇနီးလေး မြတ်ရတနာကျော်နဲ့ ထိမ်းမြားလက်ထပ်ပြီးနောက်ပိုင်းမှာ သမီးလေးတစ်ယောက်ကို ပိုင်ဆိုင်ခဲ့တာ ဖြစ်ပါတယ် ။ Scarlett လို့အမည်ပေးထားတဲ့ အာဘွိုင်းရဲ့သမီးလေးက ဖေဖေနဲ့မေမေလို အချောအလှလေးပဲ ဖြစ်ပါတယ် ။ အခုလို သီတင်းကျွတ်အချိန်အခါလေးမှာတော့ အာဘွိုင်းတို့မိသားစုလေးက မီးပုံးလေးတွေနဲ့ ပျော်ရွှင်စွာဆော့ကစားရင်း ကြည်နူးစရာပုံရိပ်လေးတွေကို ရိုက်ကူးခဲ့တာ ဖြစ်ပါတယ် ။

ဒီပုံလေးတွေကိုတော့ အာဘွိုင်းတို့ဇနီးမောင်နှံက "ဝါလကင်းလွတ်သီတင်းကျွတ် အခါသမယမှာ မြန်မာပြည်သူပြည်သာအပေါင်း ဘေးအန္တရာယ်များမှကင်းဝေး၍ ကုသိုလ်ဘာဝနာများပွားများနိုင်ကြပါစေကြောင်း ဆုမွန်ကောင်းတောင်းအပ်ပါတယ်။ " ဆိုပြီး တင်ထားတာ ဖြစ်ပါတယ် ။ အာဘွိုင်းကတော့ ချစ်ဇနီးနဲ့သမီးရဲ့မျက်နှာလေးတွေကိုကြည့်ရင်း ပြုံးပျော်ရွှင်ကာ ကြည်နူးပီတိတွေ ဖြစ်နေတာပဲ ဖြစ်ပါတယ် ။ ကဲ ချစ်ပရိသတ်တွေအတွက် အားကျချင်စရာကောင်းတဲ့ အာဘွိုင်းတို့မိသားစုလေးရဲ့ပုံရိပ်တွေကို ပြန်လည်မျှဝေပေးလိုက်ပါတယ်နော် ။

Source:"Our Travel Diaries" Fb Page

Photo Credit-Sai Kaung Htet