ဆေးရုံတက်နေရတာ သုံးရက်ရှိပြီဖြစ်ပြီး ရယ်လိုက်ရင်တောင် ဒဏ်ရာကနာနေရှာတဲ့ချစ်ဇနီးကိုထမင်းခွံ့ကျွေးကာ အနီးကပ်ပြုစုပေးနေတဲ့လင်းလင်း

တေးရေး၊တေးဆို လင်းလင်းနဲ့ သရုပ်ဆောင်မင်းသမီးချောလေး ချစ်သုဝေတို့ဇနီးမောင်နှံကတော့ ပရိသတ်တွေအရမ်းကိုအားကျချစ်ခင်ရတဲ့ Idol Couple လေးလို့တောင် ဆိုနိုင်ပါတယ်နော်။ ချစ်သူဘဝကတည်းက ဂီတမ်းကြောင်းပေါ်မှာ အတူတကွလျှောက်လှမ်းခဲ့ကြတဲ့ လင်းလင်းနဲ့ချစ်သုဝေတို့စုံတွဲလေးက အိမ်ထောင်ကျပြီးတဲ့အခါမှာလည်း ပရဟိတအလုပ်တွေကို တတ်အားသရွေ့ လုပ်ကိုင်ခဲ့ကြတာ ဖြစ်ပါတယ် ။ ခေတ်သစ်ဖောင်ဒေးရှင်းကို တည်ထောင်ထားတဲ့ သူတို့စုံတွဲလေးကို အားလုံးကလည်း လေးစားချစ်ခင်ကြတာ ဖြစ်ပါတယ် ။

အရမ်းလိုက်ဖက်ပြီး ရှေ့သွားနောက်လိုက်ညီတဲ့ လင်းလင်းတို့ဇနီးမောင်နှံက ခေတ်နဲ့သစ်ဆိုတဲ့သမီးအမွှာလေးနှစ်ယောက်ကို ပိုင်ဆိုင်ထားတာ ဖြစ်ပါတယ် ။ လင်းလင်းတို့နှစ်ယောက်က တစ်ယောက်ကိုတစ်ယောက် ဖေးမကူညီရင်း သာယာချမ်းမြေ့တဲ့မိသားစုဘဝကို တည်ဆောက်နေကြတာ ဖြစ်ပါတယ် ။ အခုတော့ လင်းလင်းက ဆေးရုံတက်နေရတဲ့သူ့ရဲ့ချစ်ဇနီးလေး ချစ်သုဝေကို ထမင်းခွံ့ကျွေးကာ ပြုစုနေကြောင်း ပုံလေးနဲ့အတူ တင်ထားတာ ဖြစ်ပါတယ် ။

လင်းလင်းက "ခါးအရိုး အက်/ကျိုး ဒဏ်ရာနဲ့ ကိုယ့်ဆရာမ ဆေးရုံတက်နေရတာ သုံးရက်ရှိ။ ရယ်လိုက်ရင် ဒဏ်ရာက နာတယ်ဆိုတော့ ဟာသလေးတွေပြောရင်း ထမင်းခွံ့ကျွေး Fighting Hon " ဆိုပြီး ချစ်ဇနီးရဲ့ကျန်းမာရေးအခြေအနေကိုလည်း ပရိသတ်တွေသိရှိရအောင် ပြောပြလိုက်တာ ဖြစ်ပါတယ် ။ ကဲ ဆေးကုသမှုခံယူနေရတဲ့ ချစ်ဇနီးလေးကို အနီးကပ်ပြုစုနေတဲ့ လင်းလင်းရဲ့ပုံရိပ်လေးကိုလည်း ချစ်ပရိသတ်တွေအတွက် ပြန်လည်မျှဝေပေးလိုက်ပါတယ်နော်။

Source & Photo Credit-Htwe Lyn Ko's FB Acc